«Qarýly Kúshterdiń ardagerleri» respýblıkalyq qoǵamdyq birlestiginiń ShQO boıynsha QR QK ardagerleri jáne áıel áskerı qyzmetshiler men otbasymen jumysty uıymdastyrý qyzmetiniń qyzmetkerleri de jas sarbazdardyń áskerı ómirge beıimdelýine úlken úles qosýda. Atap aıtqanda, bólim komandıriniń nusqaýymen sarbazdardyń moraldyq-iskerlik, áskerı qyzmetke deıingi otbasylyq jáne turmystyq jaǵdaılaryn zerdeleýge jumyldyrylyp, áńgimelesý kezinde ata-analaryna qońyraý shalyp, balalarynyń únemi qamqorlyqta ekenin jetkizýde.
2018 jylǵy 1 qarashadaǵy is-sharaǵa ShQO boıynsha QR QK ardagerler keńesiniń tóraǵasy, zapastaǵy podpolkovnık Tóken Bilálov pen Aýǵan soǵysynyń qatysýshysy, zeınettegi praporshık Tatıana Kýlıshtiń jas sarbazdardyń josparly kezdesýi ótti.
«Kezdesýde ardagerler jas sarbazdarǵa Otanǵa adal qyzmet etý basty mindetteri ekendigin basa aıtyp, aldaǵy áskerı ant qabyldaý merekesinde taǵy da olarmen jáne ata-analarymen kezdesetinderin jetkizse, kýrsant Nıkıta Bogomolov kezdesýden alǵan áseri men ózine degen senimdilikti ańǵartyp, 2018 jyldyń 2 shaqyrylymyndaǵy jas sarbazdar atynan ardagerlerge alǵysyn jetkizdi», - deıdi 27943 áskerı bóliminiń ıdeologııalyq jumystar, arnaıy nasıhat jáne memlekettik-quqyqtyq daıyndyq boıynsha aǵa ofıseri, kapıtan Nurjan Malǵajdarov.
Azamat QASYM,
«Egemen Qazaqstan»
О́skemen
