Joba 2015-2019 jyldarǵa arnalǵan QR ındýstrıaldy-ınnovasııalyq damý memlekettik baǵdarlamasy aıasynda júzege asyrylýda jáne óndiristik qýattardy tasymaldaý boıynsha 51 birlesken Qazaqstan-Qytaı jobalarynyń tizimine engizilgen.
«Aǵymdaǵy jyldyń jeltoqsan aıynda biz Qazaqstan-Qytaı yntymaqtastyǵy baǵdarlamasy aıasynda júzege asyrylyp jatqan tamponajdy sement zaýytyn merziminen buryn iske qosamyz», dedi aımaq basshysy .
Qazirgi ýaqytta nysannyń barlyq qurylys jumystary aıaqtalyp, jabdyqtardy montajdaý jumystary júrgizilýde.
Aıta keteıik, kásiporynda 260-tan astam adam jumys isteıtin bolady. Jergilikti salyq kólemi artady, sondaı-aq, óndiristi iske qosý arqyly sementke arnalǵan qaptar, asfalt betonǵa mıneraldy shań shyǵaratyn shaǵyn jáne orta kásiporyndardy ashýǵa múmkindik beredi.
Sonymen qatar, aýdandyq kolledjdi bitirgen 48 jas maman Qytaı zaýyttarynda qosymsha bilim aldy. Qytaılyq ınvestorlar Shıeli ındýstrıaldy-agrarlyq kolledjiniń bazasynda jergilikti jastar arasynan 80 mamandy daıarlyqtan ótkizýde.
Tamponajdy sement munaı-gaz jáne atom ónerkásibinde keńinen qoldanylady. Ásirese, apatty jáne qalpyna keltirý jumystaryn júrgizýde taptyrmas zat bolyp tabylady. Budan basqa, shyǵarylatyn ónim qatty aıazǵa, sýǵa jáne korrozııaǵa qarsy tózimdi, sementtiń taǵy bir mańyzdy sıpattamasy 10-12 saǵatta kebedi.
