Oblystyq Qorǵanys isteri jónindegi departamenttiń habarynsha, óńirden attanyp bara jatqan 45 jas jigiti endi 29108 áskerı bóliminde qyzmet etedi. Áskerı bólim Almaty oblysy Kerbulaq aýdany Saryózek kentinde ornalasqan. Bólim 1999 jyly qurylǵan. Áskerı qyzmet - abyroıly is. Sarbazdar sapyn toltyrǵan jas azamattar Otan aldyndaǵy boryshyn abyroımen atqaratyndyǵyna senim mol.
Áskerge attanǵandar arasynda Ekibastuzdaǵy Taý-ken tehnıkalyq kolledjiniń túlegi Aıbolat Shekerhan da bar. Aıbolattyń ata-anasy shyǵaryp saldy.
- Áskerden aman-esen oralsyn dep kútemiz. Ulymyzdyń densaýlyǵy jaqsy, ásker qataryna da myqty balalar kerek qoı, deıdi anasy Qıbat apaı.
Elimizdiń Qorǵanys mınıstrliginiń tańdaýly desanttyq-shabýylshy áskeri qataryna alynatyn jastarǵa erekshe talap qoıylady. Bolashaq sarbazdyń densaýlyǵy myqty, boıynyń uzyndyǵy 175 sm-den kem bolmaýy tıis. Sondyqtan,sarbazdar aldaǵy 1 jylda áskerı boryshtaryn ótep, odan soń kelisimshart boıynsha áskerı qyzmetterin jalǵastyrýǵa da quqyly.
Áskerge shyǵaryp salýǵa arnalǵan saltanatty keshte bolashaq sarbazdardyń qurmetine arnap jergilikti ónerpazdar ánder arnady.
Farıda BYQAI,
«Egemen Qazaqstan»
Pavlodar
