Kórmege elordadaǵy Ulttyq neırohırýrgııa ortalyǵy, Respýblıkalyq balalardy ońaltý ortalyǵy, Ulttyq ǵylymı onkologııa jáne transplantologııa ortalyǵy, №2 qalalyq kópbeıindi aýrýhana jáne №1 qalalyq aýrýhana, sondaı-aq jekemenshik medısınalyq ortalyqtardyń jumysyn kórsetetin 126 fotosýret qoıylǵan. Sýretterdi «Sultan magazine» borttyq jýrnalynyń fotografy Marat Ámirov úsh apta júrip túsirgenin aıtady.
2016 jyldan beri tórt tilde jaryq kórip kele jatqan «Sultan magazine» borttyq jýrnalynyń bastamasymen ótken áleýmettik jobaǵa «Nur Otan» partııasy men Astana qalasynyń №2 kópbeıindi aýrýhanasy qoldaý kórsetken.
«Elbasynyń jańa Joldaýynda qazirgi zamanǵa saı medısına sapasyn kóterý kerektigi aıtyldy. Qanshama myńdaǵan dárigerlerdiń ajalǵa arashashy bolyp, kúndelikti erlik istep jatqanyn kóp bile bermeımiz. Búgin fotokórme arqyly soǵan kýá boldyq. Elimizdegi jeti medısına ýnıversıteti medısına salasynyń mamandaryn daıyndaıdy. Jaqsy dárigerlerimiz óte kóp. Solardy nasıhattaıtyn, halyqpen shynaıy qarym-qatynas ornatýǵa jol ashatyn osyndaı bastamalardyń bolǵany qýantady», dedi kórmege arnaıy qatysqan Ońtústik Qazaqstan medısınalyq akademııasynyń rektory Myrzabek Rysbekov.
Áleýmettik joba aıasynda tis dárigeri, nevropatolog, kardıolog, pedıatr, terapevt, psıholog jáne kosmetolog dárigerler kópshilikti tegin tekserýden ótkizýde.
Maıgúl SULTAN,
«Egemen Qazaqstan
