Nursultan Nazarbaev medısınada ınnovasııalyq sheshimderdi qoldanýdyń mańyzdylyǵyna toqtalyp, robottalǵan hırýrgııa ortalyǵynda jasalatyn otalardyń búkil óńir úshin biregeıligin atap ótti.
– Mundaı úlken bastama halqymyzdyń ıgiligine baǵyttalǵan. Medısına salasyn robottandyrý mamandarymyzdyń biliktiligin arttyrýǵa septigin tıgizedi. Osyndaı ortalyqtyń ashylýy – otandyq densaýlyq saqtaý salasyndaǵy mańyzdy oqıǵa. Bul kóptegen adamdardyń ómirin saqtap qalýǵa múmkindik beredi, – dedi Qazaqstan Prezıdenti.
Elbasy ortalyqta em qabyldaýshylarmen áńgimelesip, Prezıdenttiń Is basqarmasy Medısına ortalyǵynyń jalpy jumysy jáne ony damytý perspektıvalary jóninde málimet aldy.
Qazaqstan Respýblıkasynyń Tuńǵysh Prezıdenti qorynyń qoldaýymen qurylǵan robottalǵan hırýrgııa ortalyǵy medısına mamandaryn daıarlap, olardyń biliktiligin arttyrýdy qamtamasyz etetin bolady. Sondaı-aq klınıkalyq synaqtar ótkizip, álemdik deńgeıdegi zamanaýı robottalǵan tehnologııalardy qoldana otyryp, ǵylymı ázirlemeler daıyndaıdy.
