ÁKIM ESEP BERDI, EL NE DEDI?

Barlyq deńgeıdegi ákimderdiń turǵyndar aldynda esep berý kezdesýleriniń qorytyndysy Qazaqstan Respýblıkasy Prezıdentiniń 2005 jylǵy 6 sáýirdegi №1546 Jarlyǵyna sáıkes ústimizdegi jyldyń 10 qańtary men 12 aqpany aralyǵynda respýblıka óńirlerinde barlyq deńgeıdegi ákimderdiń turǵyndarmen 8915 esep berý kezdesýi ótti, oǵan 1 mıllıonnan astam adam qatysty. Áleýmettik jáne ekonomıkalyq sıpattaǵy máselelerdi qozǵaıtyn 28 myńnan astam suraq kelip tústi. Esep berý kezdesýlerine joǵary memlekettik organdardyń ókilderi men Qazaqstan Respýblıkasy Par­lamentiniń depýtattary qatysty. О́ńirlerdegi turǵyndarmen kez­desýlerdiń barysynda 2009 jyly daǵdarysty eńserýde memleket tarapynan kórsetilgen kómek úshin Memleket basshysyna, Úkimetke alǵys aıtyldy. “Jol kartasy” aıa­syn­da daǵdarysqa qarsy is-shara­lar­dy iske asyrý, jańa mektep­ter­diń, balalar baqshalarynyń jáne densaýlyq saqtaý obektileriniń ashylýy, mádenıet pen sport obek­tileriniń materıaldyq-teh­nı­kalyq bazalaryn nyǵaıtý, kommý­nal­dyq ınfraqurylymdarǵa jón­deý júrgizý jáne eldi mekenderdi abattandyrý isteri halyqtan keńi­nen qoldaý tapty. Kóptegen ákimdikter kezdesýler uıym­dastyrýdyń jańa túrin belsendi paıdalandy. My­sa­ly, qazirgi zamanǵy tehnologııanyń arqasynda Aqtóbe, Pavlodar jáne Shyǵys Qazaqstan oblystarynyń tur­ǵyndary barlyq aýdandar men qalalarda óńirler ákimderiniń esep berý kezdesýlerin tikeleı efırden qaraý múmkindigine ıe boldy. Kezdesýler azamattardyń kom­mý­naldyq qyzmet baǵasynyń kóte­ri­lýine, ruqsattama qujattaryn berý kezinde jergilikti atqarýshy organdar jumysynyń tıimsizdigine, jylýmen jáne sýmen jabdyq­taýdaǵy problemalarǵa baılanysty aıtarlyqtaı alańdaýshylyqtar bar ekenin kórsetti. Birqatar máseleler densaýlyq saqtaý júıesin reforma­laýǵa, joldardy der kezinde taza­laýǵa, eldi mekenderdiń aýmaǵyna tazalyq jumystaryn júrgizýge, qoǵamdyq kóliktiń qozǵalysyn uıymdastyrýǵa jáne ózge máse­lelerge qatysty boldy. Esep berý kezdesýlerinde kom­mý­naldyq jáne monopolııaǵa qarsy qyzmettegilerdiń, quqyq qorǵaý or­gandarynyń turǵyndardyń aldyn­da esep berýin ótkizý qajettigi tý­raly másele birneshe ret qoıyldy. Qazirgi ýaqytta usynystar men eskertpelerdi iske asyrý sharalary ázirlendi, jergilikti atqarýshy organdardyń baqylaýy qamtamasyz etildi. Esep berý kezdesýleri iskerlik jaǵdaıda ótti, oblystar men qala­lardy, aýdandardy, aýyldar men kent­terdi damytýda anaǵurlym ózek­ti problemalar jóninde syn­darly pikir almasýlar boldy. Qazaqstan Respýblıkasy Prezıdenti Ákimshiligi Memlekettik baqylaý jáne uıymdastyrý-aýmaqtyq jumystar bólimi.