Investısııalyq múmkindikter týraly Forýmnyń plenarlyq otyrysy Úndi Saýda-ónerkásip palatalary federasııasynyń (FICCI) ǵımaratynda ótti. Is-sharany Qazaqstan Respýblıkasynyń Úndistandaǵy Elshiligi «Kazakh Invest» Ulttyq kompanııasymen jáne FICCI-men birlesip uıymdastyrdy.
Qazaqstandyq delegasııany «Kazakh Invest» UK» AQ Basqarma Tóraǵasy Saparbek Tuıaqbaev basqardy. Delegasııa quramyna Qazaqstannyń 10-nan astam jetekshi kompanııalarynyń basshylary kirdi.
Forýmǵa Úndistannyń saýda jáne ındýstrııa mınıstrliginiń, Syrtqy ister mınıstrliginiń, Úndi Saýda-ónerkásip palatalary federasııasynyń ókilderi, 50-den astam úndi kompanııalardyń basshylary, saraptamalyq jáne akademııalyq toptar, BAQ ókilderi qatysty.
Qazaqstannyń Úndistandaǵy Elshisi Bolat Sársenbaev Qazaqstan men Úndistan arasyndaǵy yntymaqtastyqtyń negizgi baǵyttary týraly áńgimelep, eki el yntymaqtastyǵynyń perspektıvalyq baǵyttaryn aıqyndap, sondaı-aq forým qatysýshylaryna ekijaqty saýda-sattyqty damytýdyń serpindi damýy týraly habardar etti.
S.Tuıaqbaev Qazaqstandaǵy ınvestısııalyq ahýal týraly jáne eldegi bıznes-jobalardy iske asyrý perspektıvalary týraly áńgimelep berdi. Atap aıtqanda, forým qatysýshylaryna Qazaqstandaǵy iskerlik múmkindikter, sheteldik ınvestısııalardy tartý jaǵdaılary, memlekettik qoldaý jáne básekelestik artyqshylyqtary týraly tolyq aqparat berildi. Ol Qazaqstan Úkimeti bekitken birqatar basym ınvestısııalyq jobalardy usyndy jáne úndi kompanııalaryn olardy júzege asyrýǵa qatysýǵa shaqyrdy.
О́z kezeginde úndi kásipkerler aýyl sharýashylyǵy, taý-ken ónerkásibi, mashına jasaý, telekommýnıkasııa, densaýlyq saqtaý jáne t.b. salalaryndaǵy jobalarǵa erekshe qyzyǵýshylyq tanytty.
Úndistannyń Syrtqy ister mınıstrligi Eýrazııa departamentiniń dırektory Manısh Prabhat 2009 jyldan bastap strategııalyq deńgeıge kóterilgen elder arasyndaǵy eki jaqty yntymaqtastyqtyń dáıekti damýyn atap ótti.
Úndistannyń Saýda jáne ındýstrııa mınıstrliginiń dırektory S.Svaın myrza Qazaqstanda qysqa merzim ishinde bıznesti júrgizý úshin qolaıly ınvestısııalyq ahýalǵa ıe ashyq jáne tartymdy elge aınaldyrǵan júrgizip otyrǵan aýqymdy ózgeristerdi joǵary baǵalady.
Forým barysynda úndi áriptesterimen ekijaqty kelissózder júrgizildi. Birqatar jobalardy birlesip júzege asyrý týraly kelisimderge qol jetkizildi.
Atap aıtqanda, Qazaqstan delegasııanyń GMR kompanııasynyń Basqarma múshesi Sıdarhat Kapýrmen jáne GMR vıse-prezıdenti Manomaı Raımen kezdesý barysynda ınvestısııalyq yntymaqtastyq máseleleri talqylandy. Kompanııanyń Aerocity jobasyn júzege asyrý tájirıbesin, Indıra Gandı atyndaǵy Nıý-Delı halyqaralyq áýejaıynda qajetti ınfraqurylymdy qurýdy eskere otyryp, taraptar Astana jáne Almaty halyqaralyq áýejaılarynyń mańyndaǵy kóliktik-logıstıkalyq habty salý úshin iri ınvestısııalyq jobany iske asyrýǵa GMR-dyń qatysatynyń múmkindigin qarastyrýǵa kelisti.
Qazaqstanda 10 jyl boıy jumys istep kele jatqan RV Healthcare basqarmasymen kelissózder júrgizildi. RV Healthcare óziniń qazaqstandyq seriktesimen birge 5 túrli dárilik preparattardy shyǵarýǵa kiristi jáne qazirgi ýaqytta Qazaqstan Respýblıkasynda farmasevtıkalyq óndiristi qurý úshin 30 mln. dollarǵa deıin ınvestısııany ulǵaıtýdy josparlap otyr.
Sondaı-aq, NTPC, Shalimar valves, CG group, Artemis hospitals, Venky’s taýyq fermasy jáne t.b. iri Úndi kompanııalarymen kezdesýler barysynda birqatar kelisimderge qol jetkizildi.
