Otyrysty ashqan G.Ábdiqalyqova Memleket basshysy Nursultan Nazarbaevtyń bıylǵy joldaýdaǵy «Jastar men otbasy ınstıtýtyn keshendi qoldaý memlekettik saıasattyń basymdyǵyna aınalýǵa tıis» degen sózine basa nazar aýdardy.
– Ulttyq komıssııa jumysynyń mańyzdy baǵytynyń biri otbasylyq qundylyqtardy ásirese jastar arasynda nyǵaıtý bolyp sanalady, – dedi Memlekettik hatshy.
Qazaqstan Respýblıkasynyń Bas prokýratýrasy «Otbasyndaǵy zorlyq-zombylyqsyz Qazaqstan» pılottyq jobasyn júzege asyrý qorytyndysy jóninde málimet berdi. Ony júzege asyrý barysynda Shymkent qalasy men Túrkistan oblysy ákimdikterinde Otbasy, jastar jáne balalar isteri jónindegi basqarmalar ashyldy. Shymkentte «Medısınalyq psıhologııalyq ońaltý ortalyǵy» quryldy. Túrkistan oblysynyń 14 aýdanynda jáne Shymkent qalasynda «Halyqty áleýmettik-psıhologııalyq qoldaý qyzmetteri» ashyldy. 2018 jylǵy 9 aıdyń qorytyndysy boıynsha, olarǵa zańdyq jáne áleýmettik máseleler boıynsha konsýltasııa berilip, 865 adamǵa psıhologııalyq kómek kórsetildi.
Sonymen qatar, Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasyn iske asyrý boıynsha Almaty oblysynyń 2017-2019 jyldarǵa arnalǵan is-sharalar josparynyń oryndalýy jóninde baıandama tyńdaldy. О́nimdi jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy aıasynda 160 adam jumysqa ornalasyp, 127 adam joldama alǵan, 142 adam qaıta daıarlaý kýrstaryna qabyldandy. Bıylǵy 10 aı ishinde «Bıznestiń jol kartasy 2020» baǵdarlamasy boıynsha 23 áıel paıyzdyq mólsherlemeni sýbsıdııalaý túrinde jalpy quny 763 mln teńgeden asatyn memlekettik qoldaýǵa ıe boldy. Jastar resýrstyq ortalyqtary janynan Almaty oblysynyń jas otbasylaryn qoldaý klýbtary ashyldy. Olardyń jumysy otbasy qundylyqtaryn qalyptastyrýǵa jáne nyǵaıtýǵa, ajyrasýlardyń aldyn alýǵa baǵyttalǵan.
Qoǵamdyq damý mınıstrligi Otbasyny damytý men qoldaýdyń 2019-2024 jyldarǵa arnalǵan jol kartasynyń jobasymen tanystyrdy. Onda otbasyn qurý men damytýdyń barlyq kezeńindegi vedomstvoaralyq keshendi jumystar qarastyrylǵan.
Basqosýda 2018 jylǵy jumys qorytyndysy men 2019 jylǵa arnalǵan jumys jospary qaraldy.
Jıyn sońynda Memlekettik hatshy Gúlshara Ábdiqalyqova memlekettik organdarǵa birqatar naqty tapsyrma berdi.
