Jıynǵa óńirdegi júk tasymaldaýshylar, Jer qoınaýyn paıdalanýshylar, iri kenishterdiń basshylary qatysty.
О́ńirde aýyr júk tasýdyń tasymal salmaq parametrlerin saqtamaǵan, shamadan artyq júk tasyǵan 370 kólik anyqtalyp, 90 shaqty júk jiberýshi ákimshilik jaýapkershilikke tartylǵan.
О́ńirde birneshe monıtorıng júrgizý barysynda júk tasymaly boıynsha zań buzýshylyqtar anyqtalǵan. Zań buzýshylyqtar júk tasymaldaýshylardyń arasynda jyldamdyqty asyrý, kólik qujattarynyń durys rásimdelmeýi, nemese qujattardyń múldem joqtyǵy, júk salmaǵynyń artýy sııaqty qatelikter jıi qaıtalandy, -deıdi elimizdegi Kólik komıteti tóraǵasynyń orynbasary Samat Ǵylymov.
Kólik prokýrory Rústem Toqbergenovtiń aıtýynsha, óńirde kóptegen taý-ken óndirýshileri men jer qoınaýyn paıdalanýshy kásiporyndary jumys jasaıdy. Kómir, qıyrshyq tas, qurylys zattary sııaqty aýyr júk tasymaly joldardyń buzylýyna áser etedi. Jyl saıyn joldar jóndeledi. Qyrýar qarjy kólemi artýda.
Biraq, júk tasymalyn baqylaýsyz qalyp keledi. Bıyl oblystyq ákimdiktiń bastamasymen, tikeleı oblys ákimi Bolat Baqaýovtyń tapsyrmasymen, jergilikti polısııa qyzmeti, kólik basqarmasy, kólik baqylaý ınspeksııasymen birlesip jumys atqardy. Birlesken is-áreketter kelisimderine qol qoıyldy.
Al, jıynǵa qatysqan «Birinshi jemqorlyqqa qarsy medıa-ortalyq» respýblıkalyq qoǵamdyq birlestigi tóraǵasynyń orynbasary Rýslan Asylbekovtiń aıýtynsha, birinshiden-joldardaǵy qaýipsizdikti saqtaý. Ekinshiden, óńirde jyl saıyn joldar jóndelýde. Tipti, joldardy kútip ustaýǵa da qarjy bólinedi. Basty másele-qyrýar qarjy bólinip jóndelgen joldardy sol kúıinde saqtap qalýda.
Kólik komıteti men kólik ısnpeksııasy elimizdegi avtomobıl joldaryn kútip ustaý,aýyr júkterdiń mólsherden tys artpaýyn baqylaıdy. Aýyr júk tasıtyn tasymaldaýshylarmen jumys jasap, joldaǵy jemqorlyqtyń aldyn alý. Osy maqsat júzege asý úshin-«Birinshi jemqorlyqqa qarsy keńestiń» ókilderi Kólik komıtetimen birge qoǵamdyq birlestik retinde memorandýmǵa qol qoıǵan.
Farıda BYQAI
«Egemen Qazaqstan»
Pavlodar
