Qazirgi tańda adamdardyń tarıhı tanym-túısiginde kıno óneriniń alar orny erekshe bolǵandyqtan, Prezıdent derekti-qoıylymdyq fılmderdiń, kórkem kartınalardyń sıklin óndiriske engizýdi tapsyrdy. Memleket basshysy osy maqsatta Uly dalanyń baı mıfologııalyq jáne folklorlyq materıaldaryn paıdalanýdy usynady.
«Atalǵan jobalar keń halyqaralyq yntymaqtastyq aıasynda otandyq jáne sheteldik úzdik ssenarısterdi, rejısserlerdi, akterlerdi, prodıýserlerdi jáne zamanaýı kıno óndirisiniń basqa da mamandaryn tartý arqyly júzege asyrylýǵa tıis».
Derekti fılmdermen qatar qyzyqty ári melodramalyq saryndaǵy tanymal fentezı jáne shytyrman oqıǵaly blokbasterlerdiń elementterin qosa otyryp, jańa tarıhı tele-kıno týyndylardyń janrlaryn barynsha keńeıtý qajettigi de aıtylǵan.
«Ult qaharmandaryn úlgi tutý úrdisin qalyptastyrýǵa jol ashatyn sapaly balalar fılmderi men mýltıplıkasııalyq serıaldardy asa qajet etetin óskeleń urpaqtyń da talǵamyna erekshe nazar aýdarý kerek.
Bizdiń dańqty batyrlarymyz, oıshyldarymyz ben el bıleýshilerimiz – tek Qazaqstan ǵana emes, sondaı-aq búkil álem boıynsha elikteýge laıyqty tulǵalar», delingen Prezıdent maqalasynda.
