Elbasy maqalasynyń «Túrki áleminiń genezısi» atty bóliminde «Qazaqstan – kúlli túrki halyqtarynyń qasıetti «Qara shańyraǵy» delingen.
Prezıdenttiń jazýynsha, búgingi qazaqtyń saıyn dalasynan álemniń ár túkpirine taraǵan túrki tektes taıpalar men halyqtar basqa elder men óńirlerdiń tarıhı úderisterine eleýli úles qosty.
«Osyǵan baılanysty, «Túrki órkenıeti: túp tamyrynan qazirgi zamanǵa deıin» atty jobany qolǵa alý qajet. Bul joba aıasynda 2019 jyly Astanada Túrkologtardyń dúnıejúzilik kongresin jáne ártúrli elder mýzeıleriniń ekspozısııalaryna ejelgi túrki jádigerleri qoıylatyn Túrki halyqtarynyń mádenı kúnderin uıymdastyrý kerek. Sondaı-aq, Vıkıpedııanyń úlgisinde Qazaqstannyń moderatorlyǵymen Túrki halyqtaryna ortaq týyndylardyń biryńǵaı onlaın kitaphanasyn ashý da mańyzdy», dep atap ótedi Elbasy.
Qazaqstannyń ejelgi astanasy Túrkistan halqymyzdyń rýhanı ortalyǵy ǵana emes, búkil túrki álemi úshin kıeli oryn bolyp sanalatynyn aıtqan Elbasy Túrkistandy damytý jaıyna toqtaldy.
«Sonymen qatar jańa oblys ortalyǵy retinde Túrkistandy damytý barysynda onyń halyqaralyq arenadaǵy bedelin júıeli túrde arttyrý qajet», deıdi Prezıdent.
