Turǵyndar salyqtyń eseptelýi, tólenýi, paıda bolǵan qaryzdary bóliginde jeke tulǵalardyń jer, múlik jáne kólik salyqtary boıynsha suraqtary «WhatsApp» messendjeri arqyly oblystyq departamentterdiń nómirlerine qoıa alady. Jańa qyzmet 2018 jylǵy 22 qarashadan bastap iske qosyldy.
Jeke tulǵalardyń jer, múlik jáne kólik salyqtary boıynsha suraqtardy jumys kúnderi saǵat 9-00-den 18-30-ǵa deıin joldaýǵa bolady.
Esterińizge sala keteıik, Memlekettik kirister komıteti 2018 jyldyń 19 qarashasynan bastap jeke tulǵalardyń múlik, jer jáne kólik salyqtary boıynsha (eseptelýi, tólenýi, qaryzy jáne t.b.) kókeıtesti jáne tolǵandyryp júrgen suraqtaryna jeke tulǵalar jedel jaýap berý úshin «WhatsApp» messendjerin qosqan bolatyn. Memlekettik kirister komıtetiniń messendjeri 8-776-136-41-32 nómiri boıynsha jumys jasaıdy.
Komıtettiń habarlaýynsha, jańa qyzmet iske qosylǵannan bastap úsh táýlik ishinde 800-den astam suraqtar kelip túsip, onyń ishinde 90%-yna jaýaptar berilgen.
Qalǵan suraqtardy aýmaqtyq departamentter baqylaýyna alǵan. Olarǵa jaýap keshirek beriledi. Telefon nómirlerimen tanysý úshin myna siltemege ótińiz.
