Karmıne Barbaronyń «Mahabbat almasy» kórmesi ashyldy

Kórmeniń «Mahabbat al­ma­sy» atalýy da tegin emes. Syr­­baz sýretshi kó­­rik­­ti qa­lanyń sımvoly al­ma ekenin maqta­nysh­­pen qa­byldaı otyryp, óz kórmesine osyndaı ataý usyn­dy. Karmıne Barbaroǵa Al­maty syndy keremet qalada jıyr­ma jyldan asa turý ǵa­jaıyp áser etken tárizdi. Bul jer­de ol Qazaqstanǵa, onyń hal­qyna, shalqar dala­syna degen saǵynyshyn osy sýrettermen jetkizgen. О́ziniń bul­qynǵan júregin­degi ómirge, adam­darǵa degen­ sheksiz mahabbatyn ol­ shy­ǵar­malary arqyly jetki­zý­ge tyrysady.

Karmıneniń kórkem oı­la­­ry men ushqyr ıdeıalary jan-jaq­­tylyǵymen erekshe­lenedi. Ol monýmentaldy keskin­de­me,grafıka, músin sa­lalarynda ju­­mys isteıdi, ári sonymen birge por­tret, natıýr­mort jáne kórkem sý­retter salady. 

Eki álem men mádenıette qatar ómir súretin sýretshiler az emes. Desek te Jerorta te­­­­ńi­ziniń jumsaq klımatyn qa­tań qurlyqqa aıyrbastaý kóp­tiń tańdanysyn týdyratyn aýyr tańdaý ekeni belgili. Kar­mıne kerilgen kerbez tabı­ǵattyń kelbetin kórip so­laı jasady da. Sýretke be­rile ki­risti. Sóıte tura ol ózi úshin múl­de ja­ńa álem – qa­zaq má­denıetiniń ále­mine shy­naıy qyzyǵýshylyǵyn ta­nytyp, ony tú­sinip qana qoı­maı, sezinýge qulshyndy. Onyń ómirdi tanýǵa degen yntyzarlyǵy aýyldarǵa sapar shegý, óziniń bolashaq keıipkerleriniń – qart­­tardyń, áıelderdiń júzderine tereń úńilýge, tabıǵat boıaýyna qa­ny­ǵýǵa úıir etetinin biledi. «Úsh áje» sýreti «Aýyzashar» ke­zindegi dastarqan basyndaǵy úsh kisiniń beınesi kelisti keıip­telgen. Karmıneniń sýretteri plastıkany, qozǵalysty tosyn jetkiz­gen­­digimen, tústerdiń aýysýyn názik sezine otyryp, kom­pozısııaǵa úı­­­­lesimdi bere alǵan­dyǵymen erek­shelenedi. Bul shyǵarmasynyń mysa­lynda sýretshiniń garmonııa­ny jaq­sy sezetindigin, dás­túr­li, ulttyq kórkemóner ele­men­­tin álemge qazirgi zamanǵy kóz­­­qa­raspen ushtas­tyra al­ǵan­dyǵyn ań­ǵaramyz. Kar­­mı­ne Barbaro bizge ja­ńa kóz­qa­rasymen, erekshe taǵdy­ry­men ıtalııalyq romantızm men qazaqy mentalıtetti sa­baqtastyra bilgendigimen qyzyqty. Sheberdiń bizge buryn­nan tanys ári úırenshikti ta­qy­ryptar men sıýjetterdi ja­ńasha jetkize al­ǵany qýan­tady. Bul kórmede  onyń 80-nen as­tam keskindemelik shyǵarma­lary qoıylyp otyr.

Saparbaı PARMANQUL,

«Egemen Qazaqstan»

Almaty