Tórtkúl dúnıe jankúıerleri kóz tigetin aıtýly jarysqa 18 memleketten 150-den asa sportshy keledi dep kútilýde. Olardyń arasynda Olımpııa oıyndary men álem chempıonattarynda atoı salǵan sańlaqtar da bar. Sonymen qatar, ISU tehnıkalyq komıtetiniń múshesi Natalı Lambert te Almatyǵa at basyn burǵaly otyr. Bul mamannyń esimi kópshilikke jaqsy tanys. Kanadada týyp-ósken aıtýly konkıshi 1992 jyly Albervılde alaýy tutanǵan Olımpııa oıyndarynda bir altyn jáne eki kúmis medaldi moıyna ildi. 1986-1998 jyldar aralyǵynda ótken álem chempıonattarynda 16 márte jeńis tuǵyrynyń eń bıik satysyna kóterildi. Sonymen qatar, jeltoqsan aıynda qysqy sport túrleriniń biraz juldyzdary Alash topyraǵyna at basyn tireıdi.
Short-trekten Qazaqstan quramasynyń bas bapkeri Mádiǵalı Qarsybekov Almatyda ótetin álem kýbogynyń kezeńdik saıysynda myna shákirtterine senim artyp otyr: Áıelder – Álııa Kım, Anastasııa Krestova, Olga Tıhnonova, Ásel Taıshymanova, Anıta Nagaı, Iаna Han. Erler – Abzal Ájǵalıev, Nurbergen Jumaǵazıev, Denıs Nıkısha, Mersaıt Jaqsybaev, Erkebulan Shamuhanov jáne Ádil Ǵalıahmetov.
Ǵalym SÚLEIMEN,
«Egemen Qazaqstan»
ALMATY
