«Sıfrly Qazaqstan» baǵdarlamasy aıasynda aýyl sharýashylyǵy salasyna basymdyq berýdiń mańyzy zor. Búginde aýdanda 29 myń gektar egistik alqap túgeldeı sıfrlandyryldy. Qazir aýdan sharýashylyqtary jaıylymdardy sıfrlandyrýdy júzege asyrýdy qolǵa alyp jatyr. Barlyq jaıylymdyq jerdiń 15 prosentten astamy nemese 105 ga alqap sıfrlandyrýdy paıdalanady. Bul jumystar áli jalǵasyn tabady» dedi Shota Sábıtbekuly. Osy óńirdegi «Kenesary», «Bıken» sharýashylyqtary malǵa chıp qoldansa, «Azamat» sharýa qojalyǵy «Elektrondyq malshy» dep atalatyn ushqysh-drondardy satyp alýdy josparlap otyr.
Aýdandaǵy bilim berý salasynda da «Sıfrly Qazaqstan» baǵdarlamasy qadam basty. «Kúndelik.kz» elektrondy jýrnaly Jankeldın aýdanyndaǵy barlyq bilim oshaqtaryna engizilgen. Sonymen qatar, «Alıýmınstroı» JShS-niń demeýshiligimen quny 8 mln 430 myń teńgelik «Robototehnıkaǵa negizdeý, baǵdarlamalaý jáne modeldeý» kabıneti men zerthanasy iske qosyldy.
Densaýlyq saqtaý salasynda dárigerler qaǵazsyz jumys isteýge kóshe bastady. Jumys qarqyndy júrgizilip jatyr. Bıyl aýdanda emhanalarǵa kelýshilerdiń medısınalyq tólqujatynyń 96 prosenti kompıýterge kóshirildi. Bul bolashaqta dárigerler ýaqytyn únemdep, emdelýshilerge kóbirek kóńil bólýge múmkindik beretinin aıtty aýdan basshysy.
Názıra JÁRIMBET,
«Egemen Qazaqstan»
Qostanaı
