1997 jyly О́skemen metallýrgııa kesheni «Qazsınk» JShS quramyna ótken soń kompanııa qaldyqtardy burynnan kele jatqan úıindige kómýden bas tartyp, 2000 jyly syrty birneshe qabattan turatyn arnaıy jınaqtaǵysh salynǵan-dy. 2004 jyly óndiris orny memlekettiń qoldaýymen lastaý oryndaryn joıý maqsatynda eski úıindilerge rekýltıvasııa jumystaryn júrgizdi. Qaldyqtardy qorǵanyshy bar geomembranamen qaptap, qunarly, qalyń topyraqpen jaýyp, shóp egip, jańbyr jáne basqa sýlardy jiberetin aryq jasaǵan-dy. Bul jumys óz nátıjesin berip, 2000-2017 jyldar aralyǵynda jer asty sýlaryndaǵy kúshán quramy 10 esege tómendegen bolatyn. Al 2017 jyly kompanııa óz bastamasymen mamandandyrylǵan uıymdardy tartyp, eski úıindilerge aýdıt júrgizdi. «Zertteý barysynda sarapshylar keıbir jerlerde qorǵaý qabattarynyń búlingenin anyqtady. Qorshaǵan ortany kúshánmen lastaýǵa jol bermeý úshin eski úıindilerdi rekýltıvasııalaýdyń birneshe nusqalary qaraldy. Nátıjesinde biz Shyǵys Qazaqstan oblysy ákimdigimen qorshaǵan ortany qorǵaý jóninde yntymaqtastyq memorandýmyna qol qoıdyq. Úıindi astyndaǵy jer ýchaskeleri «Qazsınkke» ýaqytsha paıdalaný úshin berildi. Kompanııa zamanaýı qurylǵylar men materıaldardy paıdalana otyryp jasalatyn úıindini rekýltıvasııalaýdy qarjylandyrýdy óz moınyna aldy, - deıdi óndiris ornynyń bas ekology Qaztaı Tákeev.
Qazirgi ýaqytta úıindini qaptaý jumystary aıaqtalypty. Al aldaǵy 5 jyl kóleminde «Qazsınk» mamandary qorshaǵan ortaǵa áserine monıtorıng júrgizip otyratyn bolady.
Azamat QASYM,
«Egemen Qazaqstan»
О́SKEMEN
