Sýretti túsirgen: Rafhat HALELOV
Bul kúni «Talap» sharýa qojalyǵynyń basshysy I.Dáýlenov, «Baqyt» sharýa qojalyǵynyń basshysy B.Súıinishqalıeva Qazaqstan Respýblıkasy Aýyl sharýashylyǵy mınıstrliginiń «Eńbek ardageri» medalimen, «Qaraǵandy» sharýa qojalyǵynyń basshysy E.Atqaev, «Qorjyn» sharýa qojalyǵynyń basshysy Q.Muqanov, «Haırýllın N.K» sharýa qojalyǵynyń basshysy N.Haırýllın «Aýyl sharýashylyǵy salasynyń úzdigi» tósbelgisimen marapattaldy. Aýyl sharýashylyǵy qyzmetkerleriniń salalyq kásiptik odaǵynyń 2 dárejeli «Eńbek Danqy» belgisin orman sharýashylyǵy jáne janýarlar dúnıesi komıtetiniń BQO orman sharýashylyǵy jáne janýarlar dúnıesi aýmaqtyq ınspeksııasynyń bólim basshysy Akmaral Orazǵalıeva ıelendi.
Al «Irǵalıev» sharýa qojalyǵynyń basshysy Jaǵabaı Irǵalıev, Bókeı ordasy aýdandyq aýyl sharýashylyǵy bóliminiń basshysy Súıinbek Haırýllın, «Qurmet» sharýa qojalyǵynyń basshysy Birimjan Aqdonov, «Murager» sharýa qojalyǵynyń basshysy Birjan Aıǵalıev, «Armat» sharýa qojalyǵynyń basshysy Asqar Maltıev, «Ásemnur» sharýa qojalyǵynyń basshysy Jubanysh Turǵalıev, «Mádıev» sharýa qojalyǵynyń basshysy Sálimbaı Mádıev, Kaztalov aýdandyq kásipkerlik jáne aýyl sharýashylyǵy bóliminiń bas mamany Qaırat Salaýatov, Batys Qazaqstan oblystyq aýyl sharýashylyǵy basqarmasy basshysynyń orynbasary Jasulan Halıýllın Aýyl sharýashylyǵy mınıstrliginiń Qurmet gramotosymen marapattaldy.
Sonymen birge Batys Qazaqstan oblysy ákimdigi bekitken arnaıy syılyqtar da ıesin tapty. Batys Qazaqstan oblysy ákiminiń birinshi orynbasary Igor Steksov «Shyńǵyrlaý» aýyl sharýashylyǵy óndiristik kooperatıviniń múshesi Baqytqalı Doshevty – «Úzdik baqtashy», Qaztalov aýdany Kókterek aýyldyq okrýgindegi «Tólegen» sharýa qojalyǵynyń basshysy Anarbek Jaýlaýbaevty – «Úzdik shopan», Aqjaıyq aýdanyndaǵy «Adaı Beket» sharýa qojalyǵynyń jylqyshysy Aman Imashevty – «Úzdik jylqyshy» dep jarııalap, júldegerlerge oblys ákiminiń alǵys hatyn tabys etti.
Aıta keteıik, Batys Qazaqstan oblysynda «Qazaqstan Respýblıkasynyń agroónerkásiptik keshenin damytýdyń 2017-2021 jyldarǵa arnalǵan memlekettik baǵdarlamasy» sátti júzege asyrylyp jatyr. Baǵdarlama aıasynda 2018 jyly aýyl sharýashylyǵyn qoldaýǵa 13 mlrd. teńgeden astam qarjy bólingen, bul 2017 jyldan 30%-ǵa artyq. Búginde oblys aýmaǵyndaǵy 6736 agrosektor nysanynda 77 myńǵa jýyq adam qyzmet etedi.
Qazbek QUTTYMURATULY,
«Egemen Qazaqstan»
