«Qazaqstandyq qoǵamnyń rýhanı qaýipsizdigi: tájirıbesi men bolashaǵy» atty VIII forýmy ótti

Jıynǵa Qazaqstan Res­pýb­lıkasynyń Prezıdenti Ákim­shiligi Ishki saıasat bóliminiń sektor meńgerýshisi Ǵ.Shoıkın, D.Qo­naev atyndaǵy Eýrazııalyq zań aka­demııasynyń rektory O.Jalaırı, memlekettik organdardyń basshylary, belgili qazaqstandyq dintanýshy ǵalymdar jáne dinı birlestikterdiń basshylary qatysty. Forým barysynda eldegi dinı ekstremızmniń aldyn alý boıynsha aqparattyq túsindirý jumystaryn jetildirý jáne ıslamtaný mektebiniń qalyptasýy máseleleri talqylandy. 

Qoǵamdyq damý vıse-mı­nıstri B.Aryn dintanýshylar bir­lestigine birqatar ǵalymdar qosylǵanyn atap ótti. «Din má­se­lesiniń qoǵamdaǵy ózek­tiligine oraı, onyń ǵy­lym­daǵy orny arta tústi. Sol se­bepti biz osy qo­ǵam­dyq birles­tik­­tiń qu­ra­myna din­tanýshy ǵalym­dar­men dintanýlyq bilim berý, aq­parattyq túsindirý salasyn­da­ǵy qoǵamnyń belsendi azamat­taryn tartýǵa tyrystyq. Din isteri jáne Azamattyq qo­ǵam mınıstr­ligi tarapynan 2017-2020 jyl­darǵa arnalǵan din salasyn­daǵy memlekettik saıasat­tyń tu­jy­rymdamasy qabyl­dan­ǵan bolatyn», dedi ol.

Budan ári dintanýshy ǵalym­dardyń forým taqyrybyna sáı­kes baıandamalary tyńdal­dy. Jıyn sońynda Qazaqstan­nyń aldyńǵy qatarly dintaný­shy­laryn marapattaý rásimi ótip, tujyrymdamalyq usynystar qabyldandy.

Marjan TILEÝBEK,

«Egemen Qazaqstan»