Ulttyq ekonomıka jáne aýyl sharýashylyǵy mınıstrleriniń áleýmettik mańyzy bar azyq-túlik taýarlarynyń baǵasy máseleleri týraly baıandamalaryn tyńdaǵan soń Premer-Mınıstr óńirlerdiń ákimderine naryqtardyń azyq-túlik ónimderimen tolyǵýy, saýda ınfraqurylymyn damytý jáne delaldardy boldyrmaý boıynsha sharalardy iske asyrýdy baqylaýǵa alýdy tapsyrdy. Meıram kúnderi kóp jeltoqsan aıynda bul máselege erekshe kóńil bólinýi kerek. Bul jaǵdaı eskerilip, qatań baqylaýǵa alynýy tıis.
Sonymen qatar B. Saǵyntaev jınalǵan ónim men ekinshi deńgeıli bankterdegi depozıtterde qarajattyń bolýyna qaramastan, Turaqty qorlardaǵy qor tıisti dárejede tolyqtyrylmaı otyrǵanyn aıtty. Baǵa ósip jatyr. Al keıbir óńirlerde depozıtter bankterde esh qozǵaýsyz jatyr, Turaqty qorlar bolsa, óz jumystaryn tolyq atqaryp otyrǵan joq.
Ulttyq ekonomıka jáne aýyl sharýashylyǵy mınıstrlikterine baǵa dınamıkasyna jáne Turaqty qorlardyń qalyptasýyna turaqty túrde úılestirý jáne monıtorıng jumystaryn júrgizý tapsyryldy.
