«Biz qazir Bas prokýratýramen, “Atameken” UKP-men birlesip barlyq elektr stansııalarynyń tıisti shyǵyndaryn tekserip jatyrmyz. Keıbir stansııalarda tarıfter 25%-ǵa tómendetilýi múmkin, al keıbir stansııalarda tómendetý odan az bolýy múmkin. Mysaly, ońtústik óńirlerde gazben jumys isteıtin stansııalarda tarıfter sol deńgeıde qalýy múmkin. Qazir taldaý júrgizilip jatyr», — dedi energetıka vıse-mınıstri.
Onyń aıtýynsha, tarıfterdiń kóterilýi ınvestısııalyq jumystarǵa baılanysty bolǵan. Osyǵan baılanysty, qazirgi kezde osyǵan deıin qabyldanǵan barlyq ınvestısııalyq baǵdarlamalar qaıta qaralyp jatyr.
«Qazir biz tarıfterdi tómendetý máselesin qarastyrýdamyz, ony kelesi jylǵa qaldyrýǵa bola ma, osy maqsattarǵa arnalǵan basqa qarajat izdestirý múmkin be jáne taǵy basqa máselelerdi qarastyrýdamyz. Sheshim 10 kún ishinde qabyldanady», — dedi S. Esimhanov.
Sonymen qatar, ol tarıfterdiń odan ári ósýine jol bermeý úshin jumys júrgizilip jatqanyn atap ótti.
Budan basqa, energetıka vıse-mınıstri QR Prezıdentiniń tapsyrmasyna sáıkes barlyq 43 energııa óndirýshi uıymdardyń jumysyna taldaý jasalyp jatqanyn habarlady. Osy maqsatta Energetıka mınıstrligi Prezıdent Ákimshiligi, múddeli memlekettik organdar ókilderi men «Atameken» UKP» AQ músheleriniń qatysýymen jumys tobyn qurdy. Jaqyndaǵy 10 kún ishinde jumystyń nátıjeleri buıryq túrinde bekitiledi.
