Ulttyq jańǵyrýdyń jarqyn úlgisi – tarıhymyzdy túgendep, dástúr-saltymyzdy, ulttyq qundylyqtarymyzdy, mádenı jetistikterimizdi dáriptep, bolashaqqa baǵdar jasaý. Bul rette Memleket basshysynyń «Bolashaqqa baǵdar: rýhanı jańǵyrý» maqalasy memlekettik jáne ulttyq ıdeologııamyzdyń negizgi ózegine aınaldy. Ulttyq biregeılikti saqtaı otyryp, jahandyq úrdisterge qarsy turýdyń naqty joldaryn kórsetti. Endi mine, Elbasynyń osy bir tereń tujyrymdamasynyń jalǵasyndaı «Uly dalanyń jeti qyry» atty mazmundy maqalasy jaryq kórdi. Uly dala tarıhynyń tolaıym tabystaryn dáleldi derektermen kórkem kestelep, rýhymyzdy asqaqtatyp, jadymyzdy qaıta jańǵyrtty.
El Prezıdentiniń parasatty paıymy tarıhymyzdy jańa qyrynan tanýǵa tyń serpin bereri sózsiz. Bul arqyly biz joǵymyzdy túgeldep, barymyzdy baıyptap, eń bastysy álemdik órkenıettegi óz ornymyzdy nyqtaı túserimiz kámil.
Tarıhı sanany jańǵyrtýǵa baılanysty jańa bastamalar kóterilip, naqty tapsyrmalar berildi. Munyń ishinde mektepter men barlyq óńirlerdegi ólketaný mýzeıleriniń janynan tarıhı-arheologııalyq qozǵalystar qurý ıdeıasy biz úshin erekshe áser etti. О́skeleń urpaqtyń boıyna otanshyldyq nárin sebý mektep qabyrǵasynan bastalsa, keıingi jastardyń kemel bolashaǵyna úmitpen qararymyz anyq.
Sondaı-aq, «Uly dala» atty ejelgi óner jəne tehnologııalar mýzeıin ashý bastamasy da uly tarıhymyzdy ulyqtap, ulttyq ereksheligimizdi aıqyndaı túsedi degen oıdamyz.
Memleket basshysynyń qazaq rýhanııatynyń qara shańyraǵy - Ulttyq mýzeıimizdiń ashylý saltanatynda: «Bizdiń tarıhymyz – maqtan etýge laıyq erlik pen eldik tarıhy. Myńjyldyqtar qoınaýynan bastaý alatyn qazaq shejiresi adamzat tarıhynyń ajyramas bóligi. Máńgilik elimiz barda qazaqtyń tarıhy da máńgilik» degen sózi udaıy jadymyzda.
«Uly dalanyń jeti qyry» maqalasy tarıhymyzdy qaıta túletip, jańa kókjıekter ashyp, irgeli jobalarǵa jol salaryna senemiz.
Leonıd Kochetov,
Qazaqstan Respýblıkasy Ulttyq mýzeıi dırektorynyń mindetin atqarýshy
