Sondyqtan bul qundylyqtar óz deńgeıinde jalpyhalyqtyq qazynaǵa aınala almaı otyr. Osy olqylyqtyń ornyn toltyrý maqsatynda Qazaqstan Prezıdenti Nursultan Nazarbaev óziniń «Uly dalanyń jeti qyry» atty jańa maqalasynda qazirgi zamanǵy medıa salasynyń múmkindikteri arqyly el tarıhyn, halyqtyń ótken jolyndaǵy iri tarıhı oqıǵalardy, qol jetkizilgen jetistikterdi el jadynda jańǵyrtýǵa shaqyrdy.
Nursultan Nazarbaev – óz ultynyń naǵyz kóshbasshysy. N.Nazarbaev óziniń ólsheýsiz eńbeginiń arqasynda Qazaqstan halqynyń tarıhı uly tulǵasyna aınaldy. Sondaı-aq el Prezıdenti qazaqtardyń tarıhı murasyn jańǵyrtý, qoǵamdyq sanany kóterý baǵytyndaǵy «Rýhanı jańǵyrý» jáne «Uly dalanyń jeti qyry» atty maqalasynda qamtylǵan «Arhıv-2025» sııaqty bastamalary arqyly da ózin búgingi qazaq qoǵamyn ilgeriletýshi tarıhı tulǵa retinde kórsete bildi.
Qazaqstan ózindik tarıhı jolyn jáne ulttyq memleket qurýdyń ózindik úlgisin ustaný nátıjesinde kúshti jáne bedeldi memleket retinde qalyptasty. Qazaqstan búgingi jetken jetistikterin ári qaraı jalǵastyra túsýdi kózdeıdi. Sondyqtan bul oraıda Qazaqstanǵa óziniń tarıhyn tereń zerttep, zerdeleý, ótken shaqtyń eleýsiz qalǵan tustaryn, sondaı-aq iri tulǵalardyń esimderin jańǵyrtý asa mańyzdy. Bul máselede muraǵattyq materıaldardy muqııat zerdeleý tarıhtyń kómeski tartqan, tasada qalǵan, danalyq pen batyrlyqty pash eter betterin shynaıy túrde jaryqqa shyǵarýǵa, burmalanǵan derekterdi qalpyna keltirýge múmkindik beredi.
Taǵy bir aıta keter jaıt, N.Nazarbaevtyń «Uly dalanyń jeti qyry» atty maqalasynda eldi damytýdyń perspektıvasy kórsetilgen. Qazaqstanda tek uly ótken shaq emes, uly da jarqyn bolashaq bar. Qazaqstan jańǵyrtylǵan Uly Jibek jolynyń kólik-logıstıkalyq bóligi ǵana bolyp qala almaıdy. Ol túrki áleminiń lıderi, keń aýqymda aıtqanda Uly dalanyń kóshbasshysy bolýy tıis.
Búginde Qazaqstandy álem tanıdy. Onyń bedelin búkil álem moıyndaıdy. Nursultan Nazarbaev Qazaqstannyń álemdegi abyroıyn kóterý maqsatynda kóptegen jumys atqardy. Endi aldaǵy ýaqytta Qazaqstandy jahanǵa tanyta túsý isine barsha qazaqstandyqtar jumyla atsalysýy tıis. Bul óziniń joǵary deńgeıdegi nátıjesin kórsetpeı qoımaıdy.
Ahmad VAHShITEH,
Reseı Halyqtar dostyǵy ýnıversıtetiniń aspıranty,
«Russia Viewer» gazetiniń bas redaktory (Iran)
