On jyl ishinde óńirde oń ózgerister oryn aldy, mysaly temirjoldyń ashylǵan jylǵy uzyndyǵy 814,4 shaqyrym bolsa, búgingi tańda 1359,8 shaqyrymdy quraıdy, al stansııalar men beketter sany 35-ten 60-qa deıin artqan. Sondaı-aq, óńirdegi jalpy temirjolshylardyń sany eki esege ıaǵnı, 2800 adamnan 5804 adamǵa deıin jetip otyr, bul áleýmettik toptyń jumyspen qamtylýyna septigin tıgizetin kórsetkish.
Sonymen qatar, kelesi jyly «Mańǵyshlaq-Aqtóbe» jáne «Mańǵyshlaq-Almaty» baǵytyndaǵy jolaýshylar poıyzdarynyń vagondary jańartylatyn boldy. Bul týraly óńirlik kommýnıkasııalar qyzmetiniń alańynda «Qazaqstan temir joly – júk tasymaly» AQ fılıalynyń «Mańǵystaý júk tasymaly bólimshesiniń» dırektory N.Ǵubashev málimdedi. Onyń aıtýynsha, atalǵan, máseleni sheshý úshin «Qazaqstan temir joly» kompanııasy men QR Kólik jáne kommýnıkasııalar mınıstrligi arasynda kelisim jasaldy. Ýkraınada jasalǵan vagondar 2019 jyldyń jaz aıyna deıin qoldanysqa beriledi dep kútilýde.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
