Pleı-offtyń alǵashqy joldamasyna «Barselona» ıelik etken bolatyn. «V» tobynda óner kórsetetin katolonııalyqtar tórt kezdesýdiń úsheýinde jeńiske jetip, bir ret teń oınap, 10 upaı oljalap otyr. Osy nátıjeniń ózi «Barselonanyń» 1/8 fınalǵa shyǵýy úshin jetkilikti. Seısenbiden beısenbige qaraǵan túni olar Gollandııanyń PSV klýbymen kúsh synasady.
Besinshi týrdyń alǵashqy kúnniń qorytyndysy boıynsha pleı-offqa joldama alǵan komandalardyń qataryn taǵy jeti komanda tolyqtyrdy. Olar – Germanııanyń «Bavarııa» (13 upaı), Gollandııanyń «Aıaks» (11 upaı), Ispanııanyń «Real» (12 upaı), Italııanyń «Roma» (9 upaı) men «Iýventýs» (12 upaı) jáne Anglııanyń «Manchester Sıtı» (10 upaı) men «Manchester Iýnaıted» (10 upaı) klýbtary.
Búgin túnde taǵy segiz oıynnyń kýási bolamyz. Bul kezdesýler myna komandalar arasynda ótedi:
«Atletıko» (Madrıd, Ispanııa) – «Monako» (Fransııa)
«Lokomotıv» (Máskeý, Reseı) – «Galatasaraı» (Túrkııa)
«Portý» (Portýgalııa) – «Shalke-04» (Germanııa)
«Tottenhem» (Anglııa) – «Inter» (Italııa)
«Borýssııa» (Dortmýnd, Germanııa) – «Brıýgge» (Belgııa)
PSJ (Fransııa) – «Lıverpýl» (Anglııa)
«Napolı» (Italııa) – «Srvena Zvezda» (Serbııa)
PSV (Gollandııa) – «Barselona» (Ispanııa)
Chempıondar lıgasynyń 1/8 fınalyna shyǵatyn taǵy segiz komanda osy oıyndardyń nátıjesinen keıin belgili bolady.
Ǵalym SÚLEIMEN,
«Egemen Qazaqstan»
