Iýrıı Panchenko jattyqtyratyn komanda alǵashqy oıynyn 4 jeltoqsan kúni ótkizedi. Búginde «altaılyqtar» chempıonat aldyndaǵy sońǵy oqý-jattyǵý jıyndaryn Almatyda ótkizip jatyr.
«Altaı» quramy bıyl kóptegen legıonerlermen tolyqtyryldy. Degenmen, otandyq voleıbolshylardyń úles salmaǵy basym.
Komanda kapıtany ári ulttyq qurama úzdigi Sana Anarqulovanyń aıtýynsha, álemniń úzdikteri ǵana bas qosatyn dodaǵa qatysý «Altaı» úshin úlken jetistik.
«Biz klýbtar arasyndaǵy álem chempıonatyna tuńǵysh ret qatysqaly otyrmyz. Árıne, Azııa aımaǵynda joldama bir ǵana komandaǵa beriledi. Biz óz jerimizde ótken týrnırde úzdik úshtikke endik, al jalǵyz joldamany Taılandtyń «Sýprım» komandasy jeńip aldy. Biz týrnırdi joǵary dárejede ótkizgenimiz úshin álem chempıonatyna qatysýǵa múmkindik aldyq. Bul meniń sporttyq mansabymdaǵy taǵy bir beles.
О́te joǵary dárejedegi týrnır aldynda bizge birneshe sportshy kelip úlgerdi. Ázirbaıjandyq Natalıa Mammadova, Italııa chempıonatynda uzaq jyldar oınaǵan Mateıa Ikıch, Serbııa sapynda álem chempıony atanǵan lıbero Sılvııa Popovıchter qatarymyzda. Olarmen birge oınap, el kýboginde jeńimpaz atandyq. О́zimizdiń sportshylardyń da qarasy kóp. Endi bizdiń aldymyzda jaqsy oıyn kórsetý maqsaty tur», - deıdi Sana Anarqulova.
О́skemenniń «Altaı» komandasy túrkııalyq «Edjzachıbashy», brazılııalyq «Praııa» jáne taılandtyq «Sýprım» komandalarymen bir topta oınaıdy.
О́z elimizde ótken klýbtar arasyndaǵy Azııa chempıonatynda bıyl «Altaı» men «Sýprım» kezdesken joq. Al ótken jylǵy birinshilikte bizdiń komanda taılandtyqtarǵa 2:3 esebimen ese jibergen.
Klýbtar arasyndaǵy álem chempıonatynda synǵa túsetin «Altaı» komandasynyń quramy tómendegideı:
Sana Anarqulova, Krıstına Anıkonova, Olga Drobyshevskaıa, Álııa Sadyqova, Natalıa Sharshakova, Natalıa Mammadova, Mateıa Ikıch, Natalıa Akılova, Tatıana Fendrıkova, Krıstına Belova, Aınagúl Aıjaryqova, Sılvııa Popovıch, Boıana Radýlovıch, Aıdana Oryntaeva, Ana Sofııa Iýsıno, Botagóz Sársenbaeva.
