Atalǵan joba aıasynda josparlanǵan 100 turǵyn úıdi kógildir otynmen qamtıtyn 2,6 shaqyrym gaz qubyrynyń 1,2 shaqyrymyna gaz berildi. Bul 45 abonentti gazben qamtýǵa jetkilikti.
Atalǵan jumystar tolyǵymen 2019 jyly aıaqtalady dep kútilýde. Jalpy joba aıasynda 20 shaqyrym gaz qubyry salynyp, 690 abonent qosylady. Negizinde bul joba 1328,63 shaqyrym Mańǵystaý, Túpqaraǵan, Qaraqııa, Beıneý aýdandary men Jańaózen qalasynda gazdandyrý, jańartý-jańǵyrtý jumystaryn qamtıdy.
Jobany júzege asyrýshy «QazTransGazAımaq» AQ Mańǵystaý óndiristik fılıalynyń ıgiliginde 6 aýdandyq gaz sharýashylyǵy, uzyndyǵy 3875,2 shaqyrym gaz qubyry, 3356,4 shaqyrym gaz taratýshy júıesi jáne 518,8 km «Jańaózen-Aqtaý» magıstraldyq júıesi bar.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
