Bul shatqaıaqtap qalǵan shaǵyn jáne orta bıznesin órkendetýge umtylǵan kásipker úshin úlken múmkindik bolmaq. Jalpy, oblysta kásipkerlikti qoldaý úlken qarqynmen júrgizilýde
Elbasy Joldaýynda «Bıznestiń jol kartasy 2020» baǵdarlamasyn 2025 jylǵa deıin uzartý jáne jyl saıyn qosymsha keminde 30 mlrd. teńge qarajat bólý máselesi kóterilgen.
Bul týraly О́ńirlik kommýnıkasııalar qyzmetinde ótken brıfıngte oblystyq kásipkerlik jáne týrızm basqarmasy basshysynyń orynbasary Azamat Dosjanov málimdedi.
- Bul usynys oblysymyz tarapynan qoldanyp, 2019 jyly respýblıkalyq bıýdjetten Baǵdarlama aıasynda sýbsıdııalar men kepildikter berý úshin 849,5 mln. teńge qarajat qarastyrýǵa bıýdjettik ótinimder usynyldy. Jalpy, 2019 jyly Baǵdarlama aıasynda kásipkerlik sýbektilerine qoldaý kórsetý úshin 1,6 mlrd. teńge qarajat bólý kózdelýde.
Budan ózge, Joldaýda Elbasymen keler jyldy «Jastar jyly» retinde jarııalaý usynylǵan. Bıylǵy jyldyń ózinde osy jastar úshin arnaıy «Baıqońyr Start-up 2» bıznes-ıdeıalar baıqaýy, Qyzylorda oblysynyń «Jas kásipkerler» forýmy uıymdastyrylǵan bolsa, odan bólek jastardyń da úlesi bar múmkindigi shekteýli azamattarǵa arnalǵan «О́zińe sene basta» kórme-baıqaýy, «Qazaqstannyń úzdik taýary 2018» kórme-baıqaýy, «Isker áıel – kásipkerler» forýmy ótkizildi,-dedi A. Dosjanov.
Baqtııar TAIJAN,
«Egemen Qazaqstan»
QYZYLORDA OBLYSY
