Táýelsizdik kúni merekesine oraılastyrylyp otyrǵan boks keshinde Aıdar Sháribaeva, Ashat Ýálıhanov, Rýslan Myrsataev, Abylaıhan Qusaıynov jáne Elshat Nyǵmatollauly syndy sańlaqtar óner kórsetedi. Bul jigitterdiń barlyǵyn da jankúıler jaqsy biledi. Máselen, bul kúnderi Ashat AQSh-ta, Abylaıhan Kanadada judyryqtasyp júr. Aıdar men Rýslan biraz jyl óz elimizde, odan keıin shet memleketterde sharshy alańdy shaıqady. Al Qytaıda týyp-ósken qandasymyz Elshattyń sol eldiń jáne Azııanyń chempıony degen ataqtary bar. Osy kúnge deıin ol 14 jekpe-jek ótkizip, barlyǵynda jeńiske jetken.
Basty maqsatymyz – Qazaqstanda kásipqoı boksty damytý. Qazirgi kezde ár oblysta orta eseppen 10 myńǵa jýyq adam bokspen aınalysady. Solardyń arasynan sanaýly ǵana órenderge Olımpııa oıyndary men álem chempıonattarynda el namysyn qorǵaý baqyty buıyrady. Al qalǵandary sonda ne istemek? Osynyń barlyǵyn oı eleginen ótkize kele, sporttyń bul túriniń elimizde keńinen qulash jaıýyna barynsha mol úles qosqymyz keledi, – deıdi Qanat Islam.
Ǵalym SÚLEIMEN,
«Egemen Qazaqstan»
