ARDAGERLER RIZAShYLYǴY

Memleket basshysynyń atyna soǵys jáne eńbek ardagerleri, Astanada turatyn Vasılıı Býlgakovtan, Vıktor Larınnen, Nıkolaı Solonıkten jáne Faına Uıabekovadan hat kelip tústi, dep habarlady Qazaqstan Respýblıkasy Prezıdentiniń baspasóz qyzmeti.Hat avtorlary barlyq soǵys jáne eńbek ardagerleri atynan beıbitshilik pen kelisimdi saqtaý, respýblıkanyń barlyq azamat­ta­ry­­nyń ál-aýqatyn arttyrý jó­nin­de saıasat júrgizip otyrǵany,  ar­da­gerler týraly úzdiksiz qam­qor­lyǵy  úshin Qazaqstan Prezı­dentine rızashylyqtaryn bildirgen. “Biz Sizdiń “Jańa onjyldyq – jańa ekonomıkalyq órleý – Qa­zaqstannyń jańa múmkindikteri” atty Qazaqstan halqyna Jol­daýy­ńyzben zor alǵys seziminde tanysyp shyqtyq. Bul rette búkil álem bastan ke­ship otyrǵan ekonomıkalyq qıyn­dyqtarǵa qaramastan, Uly Jeńistiń 65 jyldyǵy atalyp ótetin jylda Siz bizge qoldaý kórsetýdiń naqty múmkindigin tapqanyńyzdy aıryq­sha atap ótkimiz keledi. Biz Baltyq boıy jáne Grýzııa elderinde soǵys qaharmandarynyń eskertkishteri qalaı qıratylyp jatqany týraly reportajdardy alańdaýshylyqpen jáne júregimiz aýyra otyryp kóremiz, al bizdiń óz elimizdegi olarǵa degen muqııat kózqarasty qýanyshpen jáne maqtanyshpen baqylap otyramyz. Siz júrgizip otyrǵan saıasattyń arqasynda bizdiń qoǵamda aǵa urpaqqa, ásirese, Uly Otan soǵysyna qatysýshylarǵa, bizdiń jerimizdegi beıbitshilikti mańdaı terimen jáne qanymen qorǵap qalǵandarǵa degen qurmet kózqarasy qalyptasty”, – delingen hatta. QURYLYM JÚIELENBEI, MÁSELE ShEShILMEIDI Láıla EDILQYZY. “Budan bylaı “Nur Otan” HDP qoǵamdyq qabyldaý bólimderiniń jumysyn shıratyp, halyqtan túsken ótinish-aryzdardyń memlekettik organdar tarapynan qaralýyn qatań baqylaýǵa alatyn bolamyz. Bul rette barlyq tetikter iske qosylýy tıis”. Keshe partııa Tóraǵasynyń birinshi orynbasary Nurlan Nyǵmatýlın qoǵamdyq qabyldaý jumysynyń ótken jylǵy nátıjesi saralanǵan jıynda osylaı dedi. Onyń sózine qaraǵanda, halyqty tolǵandyrǵan máselelerdiń basyn qaıyrý baǵy­tynda is-sharalar qarqynyn art­ty­ryp, túıtkildi tustar­dy sheshýdiń tıimdi júıesin qurý qajet. Bul rette qazirgi tańda Astana jáne Almaty qalalyq, 16 oblystyq qoǵamdyq qabyldaý bólimi, sondaı-aq, 25 aýdandyq jáne qalalyq qury­lym­dardyń jumysy júıelendi­rilýde. Buǵan turǵyndar tarapynan túsken ótinish-shaǵymdardyń eselen­gendigi de qozǵaý bolǵan syńaıly. О́tken jyl­dyń qorytyndysy da osyny baı­qatsa kerek. Máselen, 2009 jyly eli­miz boıynsha halyq­tan 68 myń ótinish kelip túsken eken. Bul kórsetkish 2008 jylmen salystyrǵanda 1,5 ese artyq kórinedi. Al olardyń basym bóligin áleýmettik máseleler quraıdy. N.Nyǵmatýlın bılik partııasy qoǵamdyq qabyldaý bólimderiniń qyzmetin jandandyrý maqsatynda jańa tásilder engizilgendiginen de habardar etti. Osyǵan oraı, ortalyq apparattyń qoǵamdyq qabyldaýynda “Nur Otan” HDP fraksııasy músheleri – Parlament Májilisiniń depýtattary el turǵyndaryn turaqty qabyldap qana qoımaı, endigi kezekte mundaı jaýapkershilik memlekettik organ, bank jáne ózge mekeme ókil­derine júktelmek. “Munyń paıdaly tustary bar”, dedi N.Nyǵmatýlın. Sondaı-aq, partııa Tóraǵasynyń birinshi orynbasary partııanyń qo­ǵamdyq qabyldaý bólmesinen memle­kettik organdar bólmesine deıingi ara­lyqta sheshimin tappaı qań­taryl­ǵan máseleler jetip artylatynyn, son­­dyqtan bul jáıtke únsizdik ta­nytpaý kerektigin de atap ótti. Bul má­seleden tú­singenimiz – ol partııa­nyń qoǵam­dyq qabyldaýynan tóbesine “sheshilýi tıis” dep “belgi soǵylyp”, memleket­tik organdarǵa jóneltiletin ótinish-shaǵymdar shoǵyryna óz merziminde, ıa bolmasa múldem jaýap qaıtaryl­maı­dy. Olardyń arasynda keıbir memle­kettik mekeme qyzmetkerleriniń naq­ty bir máselege jaýap berýge kel­gen­de jaltaratyndary da kez­desedi eken. “Memlekettik organ­dardyń jumysy­na narazylyqpen ún qatqan ótinishter 6 paıyzdy qu­raıdy. Bul 4 myń 80 óti­nish degendi bildiredi”, dedi N.Nyǵmatýlın. Osylaı deı kele, ol óz sózin naqty mysaldarmen dáıektep berdi. Onyń aıtýynsha, ótken jyly partııanyń Ortalyq apparatynan Ishki ister mınıstrliginiń qaraýyna 111 ótinish jiberilgen. Alaıda, tek 90 ótinishke jaýap qaıtarylǵan. Al qalǵan 21 azamattyń talap-tilegi men ótinish-aryzy eskerilmeı, qaǵaz júzinde qalǵan. Eńbek jáne halyqty áleý­mettik qorǵaý jáne Densaýlyq saq­taý mınıstrliginde de osyndaı jaǵ­daı oryn alǵan. Máselen, olar­dyń alǵashqysyna jiberilgen 172 óti­nishtiń tek 147-si, al ekinshi mı­nıstr­lik­ke jóneltilgen 82 ótinishtiń 69-y sheshimin tapqan eken. Azamattar ótinishterin der kezin­de qaraý men ony sheshýdiń tıimdi­ligin arttyrýdy meılinshe sóz etýge ty­­rysqan partııa Tóraǵasynyń bi­rinshi orynbasary qoǵamdyq qabyl­daýǵa kómek surap kelgen azamattar sany­nyń kún sanap arta túsken­digine de toqtalyp ótti. Bul rette memlekettik organdar men partııa arasynda keri baılanys ornatýǵa, turǵyndar ótini­shin qaraý júıesine taldaý jasaýǵa basa nazar aýdardy. Jıyn jumysyna qatysqan Pre­zıdent Ákimshiligi, Premer-Mı­nıstr Keńsesi barlyq mınıstr­lik­ter men qurylymdardyń jaýapty hat­­shylary jáne partııanyń aımaq­tyq fılıal­daryndaǵy qoǵamdyq qabyl­daý bólimderiniń jetekshileri de atalǵan másele tóńireginde óz oılaryn bildi­rip, onyń sheshilýine múddeli eken­dik­terin jetkizdi. BILIKTILIKTERIN ARTTYRDY Qazaqstan Res­pýb­lı­ka­sy Prezıdentiniń janyn­daǵy Memlekettik basqarý akademııasy Premer-Mınıstri Keńsesiniń Ba­qylaý jáne qujattamalyq qamtamasyz etý bólimimen birlesip “Qazaqstan Res­pýb­lıkasynyń memle­ket­tik organdarynda júrgizi­le­tin is qaǵazdaryn biriz­dendirý” atty semınar-keńes ótkizdi. Onyń jumysyna Pre­zıdent Ákimshiliginiń, Par­­­lament Senaty men Má­­ji­lisiniń, Til komıteti­niń jáne  barlyq mı­nıstr­­lik­ter men agent­tik­terdiń atal­ǵan iske jaýap­ty ókil­deri qatysty. Semınar-keńeste mem­lekettik tilde júr­giziletin is qaǵazdaryn bi­rizden­di­rýdiń prak­tıkalyq jolda­ry aı­qyndaldy. Ortalyq mem­lekettik organdar men olardyń qurylymdyq bó­limshelerindegi memle­ket­tik tildi engizýge jaýapty qyz­metshilerdiń atalǵan istegi biliktiligi artty­ry­lyp, olarǵa is júrgizýde qa­jetti jazylym ereje­leri men standarttalǵan orfografııalyq birizdilik normalary usynyldy. N.TО́LENBERGENOVA, Memlekettik basqarý akademııasy Qazaq tili kafedrasy meńgerýshisiniń mindetin atqarýshy. ǴYLYM MEN О́NDIRIS  YNTYMAQTASTYǴY Aıqyn NESIPBAI. Qaraǵandyda “Parasat” ulttyq ǵylymı-tehnıkalyq holdınginiń tu­saýkeseri ótti. Onda oblys ákimi Se­rik Ahmetov Elbasynyń Jol­daý­yn­da elimizdiń turaqty damýyn ekono­mı­kany jedeldete ártarap­tan­dy­rý arqyly qamtamasyz etýge bola­tyn­dyǵy atap kór­se­ti­lýi­ne sáıkes óńirde birqatar mańyzdy jobalardy iske asyrý bastalǵan­dy­ǵyna toqta­lyp, bul rette ishki tu­tynýǵa da, eksportqa da baǵdar­lan­ǵan túpkilikti ónim óndiri­sine basa kóńil bólinip otyr­ǵandyǵyn ortaǵa saldy. Osy oraıda eń aldymen ın­jınırıngtik bıznesti damytýda, iri kásiporyn­dar­dyń ǵylymı-zertteý ortalyq­tary­men tyǵyz baılanys ornyq­ty­rý­da “Parasat” ulttyq ǵy­lymı-teh­nı­kalyq holdıngi al­dynda úlken min­detter turǵan­dy­ǵyna nazar aýdaryldy. Sóz kezeginde atalǵan holdıng­tiń tóraǵasy Nuraly Bekturǵanov baıandaǵandaı, onyń quramyna 9 ǵylymı uıym, Ǵylym qory, Ǵy­ly­mı-tehnıkalyq, Ulttyq aqparat­tandyrý or­talyqtary qamtylǵan. Bular zert­teý jumystarynan bastap nátı­jesin óndiriske engizýge deıingi birtutas júıeni quraıdy. Sonyń ishinde metan gazyn kádege jaratý, Alaıǵyr ken ornyn­da tazartylǵan qorǵasyn óndirisin uıymdastyrý, Temirtaýda sýkómir otynyn daıyndaý jáne qoldaný keshenin qurý, domnalyq úrdisti taldaý men basqarýǵa arnalǵan kompıýterlik baǵdarlama, sırek kezdesetin metaldardy alýdyń jo­ǵary tehnologııalyq ázirlemelerin  jasaý, shalǵaı ornalasqan eldi mekenderde jer asty sýlaryn alý men barlaý, tehnogendik jer sil­kinisin boljaý, telekommýnı­ka­sııa­lyq ınfraqurylymdy jetildirý sııaqty jobalardyń aımaq úshin ekonomıkalyq-áleýmettik mańyzy zor. Olardy kezeń-kezeńimen iske asyrýǵa memlekettik qoldaý kórse­til­ýi oblysty damytýdyń jańa belesine kóterilýine jol ashady. Osy jobalar týraly  “Jer, me­tal­lýrgııa jáne baıytýdyń ǵylymı ortalyǵy” AQ prezıdenti Erbo­lat Tas­tanov, EýrAzEQ-tyń Ortalyq Qa­zaqstandaǵy ókildiginiń basshysy Er­lan Dosmaǵambetov, Qazaq aq­pa­rattyq kommýnıkasııalar akade­mııa­synyń oblystyq fılıalynyń dırektory Shahmaran Seıilov oı bólisti. Oblystyq ákimdik pen “Para­sat” ulttyq ǵylymı-tehnıkalyq holdıngi­niń arasynda usynylǵan jobalardy birlese qarjylandyrý jáne iske asyrýda yntymaqtastyq jónindegi memorandýmǵa qol qoı­yl­dy. Ol boı­ynsha jańa tehnolo­gııa­lardy óndiriske engizý baǵdar­la­masyn oryndaý,  ákimdik tapsyr­ma­symen konsaltıngtik, marke­tıng­tik, sarapshylyq qyzmetter kórsetý, mamandardy oqytý, bilik­tiligin arttyrý kózdeledi.Atalǵan jobalardy atqarý el ekonomı­ka­sy­nyń údemeli ındýstrııalyq-ın­no­vasııalyq damýyna oblystyń sú­beli úles qosýyna múmkindik beredi. Qaraǵandy. JASTAR DEPÝTATTARMEN KEZDESTI Satybaldy SÁÝIRBAI. “Nur Otan” HDP, “Jas Otan” jastar qanaty  men  “Jas saıasat­shy­­lar” mektebiniń túlekteri oblys­tyq máslıhat depýtat­tary­men kezdesip, saılaý tehnolo­gııa­lary  jaıly  áńgimelesti jáne aqparattar aldy. Oblystyq saılaý komıssııa­symen birigip uıymdasty­ryl­ǵan sharaǵa jastar máslıha­ty­nyń músheleri, mektep oqýshylary men stýdentter qatysty. Bul sharanyń maqsaty  – jas­tardy saılaý úderisterimen tanys­tyrý, olardy demokratııalyq úr­dis­ter­di  qalyptastyrýǵa  ba­ǵyt­taý.  Kezdesýge  qatysqan  ob­lystyq máslıhattyń depýtattary  Dmı­trıı Dolmatenko, Qudaı­bergen Bekenov jastardy qoǵam­dyq ómirge erkin aralasýǵa, saılaý kezinde bel­sen­dilik kórsetýge shaqyrdy, olardyń saýaldaryna jaýap berdi. 16-ǵa tolǵan bir top jasqa jańa úlgidegi jeke kýálik tapsyryldy. Aqtóbe oblysy