Oblys ákimi Arhımed Muhambetov qysqy paralımpıadada tuńǵysh ret Qazaqstan qorjynyna altyn medal salǵan Aleksandr Kolıadınniń omyraýyna «Qurmet» ordenin taqty. Arhımed Begejanuly Aleksandrdyń tabysy tek oblys úshin ǵana emes, elimizdiń maqtanyshy bolǵanyn aıtty. Munan keıin de 15 sportshylar men olardyń jattyqtyrýshylary marapattaldy.
Aıbek Baıdildınov Prezıdenttik kóp saıystan bıyl álem chempıony atandy.
– Sportta jetistikke jetý ár sportshynyń armany, ol úshin jyl boıy ter tógemiz. Reseıde ótken álem chempıonynda chempıon atandym. Aldaǵy ýaqytta da jattyqtyrýshymmen birge eńbek etemiz. 2020 jyly taǵy da álem chempıonaty bolady, sonda da namysty qoldan bermeý kerek, – deıdi Aıbek.
Jyldy tabyspen qorytyndylaý – ár sportshy úshin abyroı. Osy oraıda 2018 jyl qostanaılyq sportshylar úshin juldyzdy jyl boldy deýge bolady. Sport eldiń atyn shyǵarady, ózgege tanystyrady. Al sporttyń buqaralyq sıpat alýy adamdardyń salamattyq ómir saltyn qalyptastyrady.
«Sol úshin oblysta kóptegen sport nysandary salynyp jatyr. Oblys ortalyǵynda jáne oblys qalalarynda, onyń ishinde Lısakovta, Zatobolda zamanaýı stadıondar salynyp jatyr. Olar qazirgi zamanǵy sport jarystary men jattyǵýlar ótkizý talaptarynyń barlyǵyna jaýap beredi Elbasy birneshe jyl burynǵy Qazaqstan halqyna jasaǵan Joldaýlarynda elimizde salamatty ómir saltyn qalyptastyrýǵa, ol úshin qazaqstandyqtardyń buqaralyq sportpen aınalysýy qajettigin, jaǵdaı jasalýyn aıtqan bolatyn. Biz osy tapsyrmany oryndap kelemiz» dedi Arhımed Begejanuly.
NÁZIRA JÁRIMBET,
«Egemen Qazaqstan»
QOSTANAI
