Jobalyq qýatqa shyqqan kezde jalpy jyldyq kólem 6 mlrd. teńgeni quraıdy, sondaı-aq zaýyttyń ashylýy shamamen 150 jańa jumys ornyn qurýǵa múmkindik beredi. Bul Mańǵystaý óńirindegi elektr mashına jasaý salasynyń eń qysqa merzimde salynǵan jalǵyz kásiporny, jobanyń quny 2 mlrd. teńgeni quraıdy.
Zaýyt joǵary tehnologııalyq eýropalyq jabdyqtarmen jabdyqtalǵan. Biraq bul rette qazaqstandyq qamtýdy oqshaýlaý 90 paıyzdy quraıdy. Aqtaý transformatorlyq qosalqy stansııasynyń barlyq jıyntyqtary Qazaqstanda, al onyń bir bóligi Alageum Electric holdınginiń basqa kásiporyndarynda óndirilgen.
О́ndiris júıesi avtomattandyrylǵan jáne kompıýterlermen basqarylady. «Zaýyt jyl saıyn 4 myń transformatorlyq qosalqy stansııany, ıaǵnı kúnine 20 birlikti shyǵarýǵa eseptelgen.
-Bul kólemniń bir bóligi Mańǵystaý oblysynyń barlyq qajettilikterin jáne osy ónim túrindegi taıaý shetel naryqtaryn jabý úshin jetkilikti, sondyqtan 50 paıyz ónim eksportqa - Túrkmenstan, Ázirbaıjan jáne Iranǵa jiberilmek. Sonymen qatar, óńirdegi «Aqtaý» teńiz porty men Qazaqstan-Túrikmenstan temirjol joly» syndy logıstıkalyq múmkindik bizdiń eksportqa shyǵýymyzǵa jol ashady, deıdi jańa zaýyt Bas dırektory Oljas Esirkepov.
Bas dırektordyń aıtýynsha, kásiporynnyń óz ázirlemeleri jolǵa qoıylǵan, jergilikti joǵary oqý oryndarymen jáne kolledjdermen zamanaýı joǵary tehnologııalyq qondyrǵylarda jumys isteý úshin mamandar daıarlaý boıynsha dýaldi oqytý júıesi týraly memorandým jasasý múmkindigi bar. Sonymen qatar, ekonomıster Iran men Kaspıı mańy basseıniniń barlyq elderiniń ekonomıkalyq belsendiligine baılanysty transformatorlar men basqa da elektr mashına jasaý ónimderine suranystyń ósýin boljap otyr.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
