Atyraý oblystyq aýmaqtyq orman sharýashylyǵy jáne janýarlar dúnıesi ınspeksııasynyń basshysy Danııar Baımaǵambetovtyń aıtýynsha, qazir vedomstvoaralyq komıssııa ólgen balyqtyń sanyn esepteýmen aınalysyp jatyr.
-Balyq sharýashylyǵy sýbektilerin tartý arqyly jáne ókiletti organdardyń birlese jumys isteýi nátıjesinde ınspektorlar 4 tonna 165 kg óli balyq jınady. Balyq qoryna keltirilgen zalal 4 mln 200 myń teńge. JEO qyzmetkerleri men ınspektorlardyń Peretaska ózeginen jınaǵan balyq kólemi 1 tonna 304 kg boldy, ıaǵnı 1 mln 254 myń teńge zalal kelgen. Balyq qoryna kelgen zalal týraly anyqtama qylmystyq is materıaldaryna qosý úshin polısııa departamentine joldandy, - deıdi Danııar Baımaǵambetov.
Balyq qyrylýyna qatysty derek boıynsha eki qylmystyq is qozǵaldy. Atyraý oblystyq ekologııa departamenti «Atyraý Sý Arnasy» JShS-in tekserýdi aıaqtady. Atyraý JEO tekserý tobyn daıyndaýda. Taǵy eki nysanda, bekire balyq ósirý zaýyttarynda tekserý júrgiziledi.
Bastysy, vedomstvoaralyq komıssııa otyrysyna shaqyrylǵan qoǵamdyq uıymdar men BAQ ókilderin balyqtyń nelikten qyrylǵany jáne sý men balyqtyń tazalyǵy máselesi alańdatty. Otyrysta aıtylǵandaı, balyq óle bastaǵan ýaqyttan beri alynǵan barlyq synamalar zerthanalyq tekserýge baǵyttalǵan. Naqty sebepti anyqtaý úshin ýaqyt kerek.
-Búginge deıin Jaıyq ózeniniń túrli núktelerinen 69 synama aldyq. Sý jaǵdaıynda eshqandaı aýytqýshylyq tirkelmegenin senimdi túrde aıtamyz. «Atyraý Sý Arnasynyń» tazartý qondyrǵylarynan da sý synamasy alyndy. Sanıtarlyq normadan aýytqý bolǵan joq, - dedi Atyraý oblystyq qoǵamdyq densaýlyq saqtaý departamenti basshysynyń orynbasary Amantaı Jumaǵalıev.
Jınalysta Jaıyq ózenindegi jáne «Atyraý Sý Arnasy» tazartý qondyrǵysyndaǵy sý sapasyna turaqty túrde monıtorıng júrgizý týraly usynys aıtyldy. Bul jurtshylyqty sýdyń qaýipsizdigi týraly aqparattandyrýǵa múmkindik beredi. Veterınarlyq qyzmet pen polısııa ókilderi bazarlardaǵy balyq ónimderin baqylaýǵa reıd júrgizý boıynsha jasalǵan jumystardy aıtty. Bul jumystar kúndelikti júrýde jáne zerthana synamalary satylymdaǵy ónimderdiń qaýipsizdigin kórsetip otyr.
-Bazardaǵy barlyq balyq ónimderi sertıfıkattalǵan. Baqylaý jasalady. О́lgennen keıin jınalǵan balyqtar satylyp jatyr deýge esh negiz joq.Balyq aýlaý maýsymynda óndiristik kooperatıvterdiń aýlaǵan ónimderi, -dep atap ótti Álibek Náýtıev. – Aýlanǵan balyqtyń bir bóligi óńdeledi de saýdaǵa shyǵarylady, kelesi bóligi muzdatylady, sondyqtan turǵyndardyń balyq ónimderiniń sapasyna alańdamaýlaryna bolady.
Álibek Náýtıev sondaı-aq oblys ákimi Nurlan Noǵaevtyń tapsyrmasymen Jaıyq-Kaspıı basseıniniń saǵasyn zertteý jumystary júrgiziletinin aıtty. Turǵyndardyń Kaspııdegi jaǵdaıǵa alańdaýy jergilikti atqarýshy bıliktiń baqylaýynda.
- Ázirge aýa-raıy jaǵdaıy teńiz bóligin zertteýge múmkindik bermeı otyr. Biz biraq Jaıyq ózeniniń jaǵdaıyn baqylaýda ustaı beremiz. Balyqtyń qyrylýyn tekserý máselesi jurtshylyqqa ashyq aıtylatyn bolady. Buryn da aıtylǵandaı, balyq ólimine qatysty eki qylmystyq is qozǵaldy, onymen quqyq qorǵaý organdary aınalysyp jatyr. Sotqa deıingi tergeý-tekserý jumystary júrip jatyr, sol aıaqtalmaıynsha eshkimdi kinálaı almaımyz. Kóptegen saýaldarǵa jaýap beretin osy tergeýlerdiń aıaqtalýyn kútemiz. Ázirge kún saıyn monıtorıng júrgizip, halyqty Jaıyq ózeni sý basseıniniń jaǵdaıy týraly aqparattandyryp otyramyz. Bastysy – qazir balyq óliminiń jańa derekteri tirkelgen joq, - dep qortyndylady Álibek Náýtıev.
