Bıyl oblys ortalyǵynan «Eńbegi úshin» medaline alty birdeı mańdaıaldy qurylys kompanııasynyń jetekshileri ıe bolyp otyr. Saltanatty sharaǵa jınalǵandardy «Aqjol» demokratııalyq partııasy Aqmola oblystyq fılıalynyń tóraǵasy Baqyt Smaǵul quttyqtap, Astananyń qalyptasýyna qosqan úlesine aıryqsha toqtaldy.
– Bıylǵy jyldy qorytyndylaýdyń bir sharasy retinde sondaı marapat uıymdastyrylyp otyr. Munyń ózindik orny bar. О́ıtkeni, «Aqjol» partııasy bıznestiń partııasy bolǵandyqtan bıyl «Astananyń 20 jyldyǵy» jáne qurylys salasynda Qazaqstanda úles qosyp jatqan úlken irgeli kompanııa basshylaryna arnaıy mereıtoılyq medal daıyndalǵan bolatyn. Osyny Qazaqstannyń biraz azamattary aldy. Aqmola oblysynan da birqatar azamat usynylǵan bolatyn. Olarǵa Azat Perýashevtiń atynan tapsyrý týraly tapsyrma berilgen,– dedi «Aqjol» demokratııalyq partııasy Aqmola oblystyq fılıalynyń tóraǵasy Baqyt Smaǵul.
Eńbegi elengen azamattardyń qatarynda «Jar Daý» seriktestiginiń dırektory Dáýrenbek Jarylǵasov ta bar. Onyń basty armany - el ıgiligi úshin eren eńbek sińirý.
Baıqal BAIÁDIL,
«Egemen Qazaqstan»
Aqmola oblysy
