Aq Jaıyq óńirinde jańa jyl kelgeli aýa raıy jıi buzylyp, borandatyp tur. Osyǵan baılanysty Batys Qazaqstan oblysy Tótenshe jaǵdaılar departamenti jergilikti turǵyndarǵa aýa raıynyń kúrt buzylatyny, kólik joldarynyń jabylatyny týraly aldyn ala eskertip, jolǵa shyǵýdan saqtandyrýmen boldy.
Jyl basynan Batys Qazaqstan oblysy Tótenshe jaǵdaılar departamenti Biryńǵaı jedel-qutqarý qyzmeti basqarmasy halyqqa 21 SMS habarlama jibergen eken. Bul habarlamanyń basm kópshiligi, ıaǵnı 20-sy túrli baǵyttaǵy joldardyń jabylǵandyǵy týraly bolǵan.
Máselen, 5 qańtarda oblysta burqasyn jel týraly eskertý jarııalandy jáne sol kúni saǵat 11.00-den bastap aýa raıy jaǵdaıynyń nasharlaýyna oraı «Qazavtodor» JShS Batys Qazaqstan oblystyq fılıaly avtokóliktiń barlyq túri boıynsha oblystyń barlyq baǵytyndaǵy respýblıkalyq jáne oblystyq mańyzy bar joldarda qozǵalysty jabý týraly habarlaǵan edi.
«О́kinishke qaraı, avtokólik júrgizýshileriniń bári birdeı qutqarýshylardyń úndeýine qulaq asa bermeıdi, nátıjesinde túrli jaǵdaı oryn aldy» deıdi tótensheliikter. Abyroı bolǵanda kólikter men adamdar der kezinde qutqarylǵan. Joǵaryda aıtylǵan qutqarylǵan 137 adamnyń 14-i – kámeletke tolmaǵan balalar eken.
Búginde jergilikti atqarýshy organdar men tıisti mekemeler tótenshe jaǵdaılardy boldyrmaý maqsatynda Batys Qazaqstan oblysynyń respýblıkalyq, oblystyq jáne aýdandyq mańyzy bar avtomobıl joldarynda qardan tazalaý jumystary júrgizildi. Qazirgi tańda avtomobıl joldaryn qysqy kútip ustaý boıynsha jumystar jalǵasýda.
Qazbek QUTTYMURATULY,
«Egemen Qazaqstan»
Batys Qazaqstan
