Mysaly, kúni keshe Qazyǵurt aýdanynda iske qosylǵan shyryn óndiretin kásiporyn negizinen aýdanda ósetin jemis-jıdekterdi paıdalanady.
Eki gektar aýmaqty alyp jatqan, jalpy quny 589 mln teńge bolatyn jobany «Kórik ShQ» jaýapkershiligi shekteýli seriktestigi júzege asyryp otyr. «Delıs» saýda belgisimen shyǵatyn sýsyn hımııalyq qospasyz daıyndalady. Alma, almurt, qyzanaq, sábizden shyrynnyń tórt túrin daıyndaıtyn kásiporyn táýligine 8 tonna ónim shyǵarýǵa qaýqarly. Daıyn ónim elimizdiń barlyq aımaǵyna taratylady. «Qazyǵurt» ındýstrıaldy aımaǵynda ornalasqan kásiporynda 21 azamat jumys isteıdi. Zamanaýı tehnologııamen jabdyqtalǵan shaǵyn zaýytta aldaǵy ýaqytta ónim kólemin arttyra túsý josparlanǵan.
Jalpy «Qazyǵurt» ındýstrıaldyq aımaǵynda búginde jalpy quny 2,3 mlrd teńgelik 7 joba júzege asyrylyp jatyr. Onda 173 jergilikti turǵyn jumys isteıdi. Bıyl taǵy qosymsha 3 jobany iske qosý josparlanǵan.
Ǵalymjan ELShIBAI,
«Egemen Qazaqstan»
Túrkistan oblysy
