«Áıeldiń «eń bolmasa sýretterdi tasta» dep janushyra aıǵaılaǵan daýysyn jurt kádimgi otbasylyq urys-keris dep oılap qalǵan syńaıly, mán bermeı tura berdi. Er adamnyń júgire jónelgeninen onyń otbasylyq janjal emes ekenin túsindim» deıdi Meıram.
Polıseıdiń «toqta!» degenin qashqyn tyńdamady. Biraq tonaýshy tártip saqshysynyń kúshi basym ekenin baıqady, urlaǵan zattaryn tastady. Birer mınýttan soń, Meıram ony qýyp jetip aldy. «Dereý kezekshi bólimine telefon shaldym. Olar kelisimen jedel-tergeý tobyndaǵy áriptesterimmen birge er adamnan ne bolǵanyn suradyq. Ol Qostanaı qalasynyń urlyǵy úshin birneshe ret sotty bolǵan 33 jastaǵy turǵyny eken» deıdi Meıram.
Túzeý mekemesinen shyǵa salysymen álgi adam óziniń úırenshikti isin qaıta jalǵastyrǵan eken. Podezde bir áıeldi ańdyp júrip, onyń aqsha salǵan ámııanyn jymqyryp ketedi. Qazir sotqa deıingi tergeý amaldary júrip jatyr.
Mundaı urylardy polıseıler jıi ustaıdy. Tergeýshi Meıram Adjabaev ta osy sıpattaǵy qylmystardy tergeıdi, biraq Polısııa departamentindegilerdiń aıtýynsha, qylmyskerdi tergeýshiniń ózi ustap alǵany sırek kezdesedi. «Áńgime kimniń ustaǵanynda emes, qylmyskerdiń ustalǵanynda» deıdi Meıram.
Názıra JÁRIMBET,
«Egemen Qazaqstan»
Qostanaı
