Oblystyq din isteri basqarmasynyń dinı birlestiktermen baılanys jáne memlekettik qyzmet kórsetý jónindegi bólimniń basshysy Aıtqurman Turǵanbaev О́skemendegi Dostyq úıi - Qoǵamdyq kelisim ortalyǵynda ótken Shyǵys Qazaqstan oblysynyń dinı birlestikter basshylary Klýbynyń otyrysynda osylaı dedi.Onyń aıtýynsha, din salasyndaǵy ákimshilik quqyq buzýshylyqtar negizinen О́skemen men Semeı qalalarynda oryn alady eken. «Bizdiń oblysymyzda jıi kezdesetin quqyq buzýshylyqtardyń túrleri: dinı ádebıetti jáne dinı maqsattaǵy basqa da zattardy taratý, dinı joralǵylardy ǵıbadat úılerinen tys jerlerde ótkizý. Din salasyndaǵy ákimshilik quqyq buzýshylyqtardy aldyn alý jumystary júıeli túrde júrgiziledi. Osyndaı jumystardyń nátıjesinde din salasyndaǵy quqyq buzýshylyqtar sany 2018 jyly (13 quqyq buzýshylyq)2017 jylmen salystyrǵanda 3 esege (41 quqyq buzýshylyq)azaıdy», - deıdi ol.
Jıynǵa qatysqan Shyǵys Qazaqstan oblystyq din isteri basqarmasynyń basshysy Anýar Abdýldın klýb múshelerin 2019 jyldyń Jastar jyly bolyp jarııalanýyna baılanysty osy jyly jastarymyz destrýktıvti elementi bar dinı aǵymdardyń jeteginde ketpeýi úshin birlese jumys isteýge shaqyrdy.
Azamat QASYM,
«Egemen Qazaqstan»
О́SKEMEN
