Qazaqstan Respýblıkasy Úkimetiniń qaýlysy №1197
Seısenbi, 10 qańtar 2012 6:00
2011 jylǵy 24 qazan, Astana, Úkimet Úıi
Transferttik baǵa belgileýdi qoldaný jónindegi kelisim jasasý qaǵıdalaryn bekitý týraly
«Transferttik baǵa belgileý týraly» Qazaqstan Respýblıkasynyń 2008 jylǵy 5 shildedegi Zańynyń 4-baby 1-tarmaǵynyń 6) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Transferttik baǵa belgileýdi qoldaný jónindegi kelisim jasasý qaǵıdalary bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Seısenbi, 10 qańtar 2012 6:00
2011 jylǵy 24 qazan, Astana, Úkimet Úıi
Transferttik baǵa belgileýdi qoldaný jónindegi kelisim jasasý qaǵıdalaryn bekitý týraly
«Transferttik baǵa belgileý týraly» Qazaqstan Respýblıkasynyń 2008 jylǵy 5 shildedegi Zańynyń 4-baby 1-tarmaǵynyń 6) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Transferttik baǵa belgileýdi qoldaný jónindegi kelisim jasasý qaǵıdalary bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 24 qazandaǵy №1197 qaýlysymen bekitilgen
Transferttik baǵa belgileýdi qoldaný jónindegi kelisim jasasý qaǵıdalary
1. Jalpy erejeler
1. Osy Transferttik baǵa belgileýdi qoldaný jónindegi kelisim jasasý qaǵıdalary (budan ári – Qaǵıdalar) «Transferttik baǵa belgileý týraly» Qazaqstan Respýblıkasynyń 2008 jylǵy 5 shildedegi Zańyna (budan ári – Zań) sáıkes ázirlengen jáne ýákiletti organdar: Qazaqstan Respýblıkasy Qarjy mınıstrliginiń Salyq komıteti (budan ári – Salyq komıteti), Qazaqstan Respýblıkasy Qarjy mınıstrliginiń Kedendik baqylaý komıteti (budan ári – Kedendik baqylaý komıteti) jáne mámilege qatysýshy arasynda Transferttik baǵa belgileýdi qoldaný jónindegi kelisim (budan ári – Kelisim) jasasý tártibin aıqyndaıdy.
2. Kelisimde mynadaı tarmaqtar kórsetiledi:
1) jalpy erejeler;
2) Kelisim taraptary;
3) Kelisim nysanasy;
4) usynylǵan qujattar tizbesi;
5) naryqtyq baǵany aıqyndaý ádisi;
6) naryqtyq baǵany aıqyndaý úshin qoldanylatyn aqparat kózi;
7) Kelisimniń qoldanys merzimi;
8) Kelisimniń kúshine ený kúni;
9) Kelisimniń qoldanysy kezeńinde qoldanylatyn baǵalar týraly aqparat berý merzimi;
10) qupııalylyq;
11) Kelisimdi sharttaryn salyq tóleýshiniń oryndamaýynyń (buzýynyń) saldarlary;
12) Kelisimdi merziminen buryn buzýdyń negizderdi;
13) qosymsha sharttar.
2. Transferttik baǵa belgileýdi qoldaný jónindegi kelisim jasasý tártibi
3. Mámilege qatysýshy Salyq komıtetine ózine mynalardy:
1) sharýashylyq sýbektisin memlekettik tirkeý týraly kýálikti, quryltaı qujattaryn (jarǵy, quryltaı sharty) jáne 5%-dan asa aksııalary (úlesteri) bar aksııa (úles) ustaýshylar tiziliminen úzindi kóshirmeni;
2) bıznes-sáıkestendirý nómirin (2012 jylǵy 1 qańtardan bastap);
3) jeke sáıkestendirý nómirin (2012 jylǵy 1 qańtardan bastap);
4) jeke basyn kýálandyratyn qujat pen salyq tóleýshi retinde memlekettik tirkeý týraly kýálikti (jeke tulǵa úshin);
5) dara kásipker retinde memlekettik tirkeý týraly kýálikti;
6) taýarlardy ótkizýge jáne satyp alýǵa kelisimsharttardy (tolyqtyrýlarymen jáne ózgeristerimen);
7) Qazaqstan Respýblıkasynyń quzyretti organymen jáne (nemese) Qazaqstan Respýblıkasynyń Úkimetimen (ýákiletti organdarmen) jasalǵan jer qoınaýyn paıdalanýǵa arnalǵan (tolyqtyrýlarymen jáne ózgeristerimen) kelisimsharttardy;
8) Qazaqstan Respýblıkasynyń jáne shet elderdiń kompanııalaryndaǵy ınvestısııalar (aksııalary) týraly aqparatty;
9) taraptardyń ózara baılanystylyǵy týraly derekterdi;
10) mámileler jasasý kezinde paıdalanylatyn naryqtyq baǵalar jónindegi aqparat kózin;
11) naryqtyq baǵany aıqyndaý úshin usynylatyn ádisti;
12) baǵa belgileýge áser etetin faktorlarǵa qatysty aqparatty, naryqtaǵy bedelin qosa alǵanda, marketıngtik saıasat (taýarlyq, ótkizý, baǵalyq, sondaı-aq taýardyń rynoktaǵy jyljý saıasaty), baǵa belgileý ádisnamasy enetin bıznes strategııasyn qamtıtyn Kelisim jasasý úshin qajet qujattardyń kóshirmeleri qosa beriletin Kelisim jasasýǵa ótinishti jazbasha túrde jáne erkin túrde tapsyrady.
Osy tarmaqtyń 6), 7), 8,) 9,) 10,) 11) jáne 12) tarmaqshalarynda kórsetilgen qujattardy tabys etý múmkin bolmaǵan kezde mámilege qatysýshy olardy tabys etýdiń múmkin emestigi týraly jazbasha negizdeme tapsyrady.
4. Taýarlardy (jumystardy, qyzmet kórsetýlerdi) ózara baılanysty kompanııalarǵa ótkizgen (satyp alǵan) jaǵdaıda Kelisim jasasatyn mámilege qatysýshy ózara baılanysty kompanııalarǵa osy taýarlardy (jumystardy, qyzmet kórsetýlerdi) ótkizýge (satyp alýǵa) baılanysty qujattardy da tapsyrady.
5. Mámilege qatysýshynyń Kelisim jasasýǵa ótinishin ýákiletti organdar mámilege qatysýshydan kórsetilgen ótinishti alǵan kúnnen bastap kúntizbelik toqsan kún ishinde mynadaı tártippen qaraıdy:
Salyq komıteti mámilege qatysýshydan ótinishti alǵan kúnnen bastap bes jumys kúni ishinde mámilege qatysýshynyń ótinishin jáne Kelisim jasasýǵa qajet qujattardyń kóshirmelerin Kedendik baqylaý komıtetine jiberedi;
Kedendik baqylaý komıteti mámilege qatysýshynyń ótinishi jáne Kelisim jasasýǵa qajetti qujattar boıynsha qorytyndyny otyz jumys kúni ishinde Salyq komıtetine beredi;
ýákiletti organdar Kelisimdi jasasý týraly oń sheshim qabyldaǵan jaǵdaıda sheshim qabyldaǵan kúninen bastap bes jumys kúni ishinde Salyq komıteti mámilege qatysýshynyń atyna qol qoıylǵan kúninen bastap úsh jyldan aspaıtyn merzim ishinde qoldanylatyn, ýákiletti organdar qol qoıǵan Kelisimdi joldaıdy;
mámilege qatysýshy Kelisimge qol qoıylǵannan keıin Kelisimdi oǵan qol qoıylgan kúnnen bastap on jumys kúni ishinde Salyq komıtetine jiberedi.
Kelisim jasasýdan bas tartý týraly sheshim qabyldanǵan jaǵdaıda Salyq komıteti mámilege qatysýshynyń Kelisim jasasýǵa ótinishin qaraý nátıjeleri boıynsha sheshim qabyldanǵan kúnnen bastap bes jumys kúni ishinde Kedendik baqylaý komıtetiniń qortyndalsyn eskere otyryp, Kelisim jasasýdan bas tartýdyń sebepterimen mámilege qatysýshyǵa jazbasha jaýap jiberedi.
6. Ýákiletti organdar mámilege qatysýshyǵa mynadaı jaǵdaılarda Kelisim jasasýdan bas tartady:
1) mámilege qatysýshy Kelisim jasasý úshin qajet jáne osy Qaǵıdalardyń 3-tarmaǵynda kózdelgen qujattardyń tolyq tizbesin tabys etý múmkin emestigi týraly jazbasha negizdemeni tapsyrmaǵan kezde;
2) Zańnyń 12-babynda belgilengen dáıektilik eskerile otyryp jáne mámilege qatysýshynyń Kelisim jasasýǵa ótinishinde kózdelmegen naryqtyq baǵany aıqyndaýdyń ózge ádisterin qoldaný múmkindigi bolǵanda;
3) Zańnyń 18-babynda belgilengen dáıektilik eskerile otyryp, naryqtyq baǵany aıqyndaý úshin qoldanylatyn jáne mámilege qatysýshynyń Kelisim jasasýǵa ótinishinde kózdelmegen ózge aqparat kózderin qoldaný múmkindigi bolǵanda.
7. Qajet bolǵan kezde ýákiletti organdar, jasalynatyn Kelisimge qatysy bar qujattarǵa (aqparatqa) mynadaı sýbektilerden:
1) memlekettik organdardan;
2) bankterden, bank operasııalarynyń jekelegen túrlerin júzege asyratyn uıymdardan;
3) saqtandyrý (qaıta saqtandyrý) uıymdarynan, saqtandyrý brokerlerinen;
4) baǵaly qaǵazdar naryǵynyń kásibı qatysýshylarynan;
5) aýdıtorlardan, aýdıtorlyq uıymdardan;
6) basqa da uıymdardan suratady.
8. Ýákiletti organdar men mámilege qatysýshynyń ózara kelisimi boıynsha Kelisim kózdelgen qoldanys merziminen buryn buzylýy múmkin, bul rette Kelisimniń sharty buzylǵan sátke deıin óz kúshin saqtaıdy.
