Sýretshini óneri óltire jazdady

Jer betindegi alǵashqy adamnyń músinin jasaý Gıllıan Genzerge tosynnan kelgen oı emes. Buryn 1998 jyly evreı ápsanasyndaǵy alǵashqy áıel Lılıttiń músinin jumyrtqanyń qabyǵynan jasap shyqqan soń, kezekti jumysynyń jalǵasy Adam atanyń qurmetine arnalýy kerek dep bildi. Kóp uzamaı oǵan qajetti materıaldy ońaı tapty. Torontodaǵy qytaı aýdanyndaǵy bazar­dan mıdııa qaýashaqtaryn arty­ǵymen satyp alady. «Adamnyń aıaq­talýǵa jaqyn músinine qarama-qarsy otyr­dym da, ómirmen qosh aıtys­tym. Ábden qaljyraǵan edim. Sý­ret­shi týdyrǵan dúnıege qaraǵanda, ta­bıǵattyń jaratqany áldeqaıda sulý. Mıdııa (ulý) qaýashaqtarynyń qury­lymy Adam atanyń bulshyq etterin beı­neleýge týra keletin», dep eske ala­dy sýretshi.

Birte-birte sýretshiniń zattarmen jumys isteýi qıyndap, qaýashaqtardy kerekti jerge jabystyra almaıtyn kúıge jetedi. Aýyr kúıde emhanaǵa tús­ken Gıllıanǵa demensııanyń (aqyl-oı kemistigi, mı qyzmetiniń bu­z­y­lýy) asqynǵan túri degen dıagnoz qoıyldy. Dárigerler sýretshige aýyr me­taldardan ýlanǵan degen qory­tyn­dy shyǵarǵan, al Gıllıan bolsa neden ýlan­ǵanyn bilmeı, tek tabıǵı zattarmen jumys isteıtinin aıtyp baǵýmen bol­dy.

Ýlanýdyń sebebi kóp uzamaı anyq­taldy. Syrtynan tym beıkúná, mys­qaldaı zııany joqtaı kórinetin mıdııa qaýashaqtary teńiz sýyndaǵy aýyr metaldardy ózine sińiretin qasıetke ıe bolyp shyqqan. О́mirine qaýip tónip turǵanyna qaramastan, sýretshi óner týyndysyn sońyna deıin jetkizýdi jón sanaǵan.

– Sheberhanamnyń esigine kelgen saıyn ýlanatynymdy oılap, turyp qalamyn. Aqyry óledi ekenmin, endeshe óle-ólgenshe músindi aıaqsyz qal­­dyrmaı, sońyna jetkizeıin dedim. Degenmen qazirgi jumystaryma kerek materıaldarda da toksın qaýipi bar. Endi maǵan tek saq bolý kerek. О́tkendi oılap, qaıǵyrýdyń esh mańyzy joq. Qor­shaǵan ortany aıaýsyz búldirgen adam balasy úshin bul da bir sabaq, – deıdi ol. 

Osylaısha 15 jyl boıy arpa­lysqan Adam atanyń músinin oıdaǵy­daı aıaqtaǵan Gıllıan eshteńege qa­­­ra­mastan, ózge shy­ǵarmashylyq ju­mystaryna ki­risip ketti. Biraq bul joly qa­ýip­sizdik sharalaryn bir kisideı qaperine ustamaq.

Aıa О́MIRTAI,

«Egemen Qazaqstan»