Talapkerlerge bolashaqta mamandyq tańdaýǵa kómektesý jáne túrli deńgeıdegi grant pen jeńildik berý arqyly qoldaý kórsetýdi maqsat etetin olımpıada uıymdastyrýshylarynyń málimeti boıynsha, árbir oqýshy tańdaǵan baǵyty boıynsha óz bilimin kórsete otyryp, SDÝ-dyń ishki grantyna nemese jeńildigine ıe bola alady. Aıta ketken jón, mektep bitirýshilerdiń jobaǵa degen qyzyǵýshylyǵy jyldan jylǵa artyp keledi.
Statıstıkalyq málimet boıynsha olımpıadaǵa 2015 jyly 80 grant bólingen, 2016 jyly - 200 grant, 2017 jyly – 250 grant pen jeńildik berilgen, al 2018 jyly 300 grant pen jeńildikter bólingen. Bıylǵy jyly olımpıada 3-naýryzda bir ýaqytta elimizdiń 22 qalasynda: Astana, Almaty, Shymkent, Qyzylorda, Taldyqorǵan, Taraz, Túrkistan, Jezqazǵan, Aqtaý, Atyraý, Aqtóbe, Oral, Pavlodar, Petropavl, Qostanaı, Kókshetaý, Semeı, О́skemen, Qaraǵandy, Jańaózen, Qulsary, Ekibastuz qalalarynda ótedi. Úzdik nátıje kórsetken 300 talapker 4 jylǵa jaramdy 100% grant pen arnaıy jeńildikterge ıe bolady. Olımpıadaǵa tirkelý resmı saıttyń http://sdu.edu.kz/kk/spt/ bóliminde onlaın túrde qoljetimdi. Baıqaý erejeleri men talaptary aıqyn kórsetilip, tirkelý rásimi ashyq formatta júrgiziledi. Tirkelgen talapkerler avtomatty túrde elektrondyq poshta arqyly jeke ID CARD-qa ıe bolyp, bul qujat olımpıaǵa qatysýyna kepildik beredi.
Olımpıada testileý formatynda 6 klasterde: fızıka, geografııa, hımııa-bıologııa, aǵylshyn tili, ádebıet, tarıh pánderi boıynsha ótedi. Testileý suraqtary zııatkerlik mektepterdiń ustazdarymen qurastyrylyp, qoǵamdyq keńeste maquldanǵan.
SPT olımpıadasy onlaın tirkelý 19 aqpanǵa deıin (sdu.edu.kz/spt resmı saıtynda)
Test túrinde ótetin olımpıadaǵa mektep oqýshylary (11 synyp) jáne kolledj (sońǵy kýrs) stýdentteri men 2019 jylǵy túlekter tegin qatysa alady.
Qosymsha suraqtar boıynsha myna telefondarǵa habarlasýǵa bolady.
Tel: 87020001133 (whats app) / 87273079565 (231)
Email: spt@sdu.edu.kz
Elvıra SERIKQYZY,
«Eqemen Qazaqstan»
ALMATY
