Birikken Ulttar Uıymynyń deregi boıynsha, álem halqynyń jartysyna jýyǵy jastar. Sol sebepti álemdik qoǵamdastyq, damý traektorııasyna aıaq basqan kez kelgen memleket adam kapıtalynyń mańyzdy bóligi retinde jastarǵa, olardyń áleýetin damytýǵa erekshe mán beredi.
Osy oraıda Memleket basshysynyń bıylǵy jyldy Jastar jyly dep jarııalaǵany elimiz úshin aıryqsha mańyzdy. Elbasy N.Nazarbaev Jastar jylynyń ashylý saltanatyndaǵy «Táýelsizdiktiń urpaqtary» atty sózinde jastardyń ózekti máselelerine keshendi túrde nazar aýdarǵany erekshe qýantady. Qazirgi tańda memleket jasap otyrǵan múmkindikter IMD Halyqaralyq basqarýdy damytý ınstıtýtynyń reıtınginde Qazaqstandy sapaly orta bilimmen qamtý boıynsha álemdik ondyqtyń qataryna qosyp otyr. Qazaqstan jastary álemniń damyǵan elderiniń jastarymen teń dárejede básekelese alatyn dárejege jetti.
Jastardyń áleýmettik damýyna, ǵylymmen aınalysýyna, qoǵamǵa paıdaly bolýyna memleket tarapynan ázirlenetin endigi sharalar olardyń ulttyq, mádenı muraǵa, el birligine qurmetin arttyryp, izgilik, otbasy qundylyqtaryn ilgeriletýge múmkindik beredi dep oılaımyn.
Endigi mindet – jastardyń memleket tarapynan jasalǵan múmkindikterdi baǵalaı bilip, óz isiniń kásibı mamany, qoǵamnyń azamattyq jaýapkershiligi mol múshesi bola bilýinde.
Aıbol ARǴYNǴAZINOV,
«Ekonomıkalyq zertteýler ınstıtýty» AQ Taldaý jáne álemdik ekonomıka ortalyǵynyń dırektory
