«Suranys boıynsha qala» – bul turǵyndardyń ómir súrý ortasyna qatysty túsinigin arttyrýǵa, tatý kórshilikti tárbıeleýge, qalalyq ınfraqurylymǵa uqypty qaraýǵa jáne ortany transformasııalaý quraly retinde dıalogty damytýǵa baǵyttalǵan keshendi joba. Jobanyń birinshi kezeńinde aqparat jınaý bastalyp, saýalnama júrgizildi.
Eń belsendi turǵyndar 9-11 qarashada «moderatorlar mektebinde» qalalyq dıalogty júrgizý quqyǵyna ıe boldy. Úsh kún ishinde bolashaq moderatorlar birlesken sheshimderdi izdeý úshin dıalog júrgizýdi úırendi. Ekinshi kezeń 19 jáne 20 qańtarda ýrbanıst Svıatoslav Mýrýnovtyń basshylyǵymen ótken jobalyq semınar boldy, oǵan 60-tan astam adam qatysty. Semınar barysynda turǵyndar qala máselelerin talqylap, abattandyrylýy tıis oryndardyń tizimin qurdy. Barlyq nıet bildirýshiler ákimdik ókilderinen, belsendi turǵyndar men moderatorlardan turatyn jobanyń jumys tobynyń quramyna kirdi.
Ár aýlaǵa kýratorlar bekitilip, olar belsendi turǵyndarmen birge jerdi zerttep, kórshilerin tartady. Olardyń jumysynyń nátıjesi aýla aýmaǵyn tolyq sıpattaıtyn «Aýla tólqujaty» bolady. Onyń negizinde turǵyndar, kýratorlar men sarapshylar osy kóktemde «qalalyq sheberhanalar» formatynda synalatyn aýlalardy jobalaýǵa tapsyrma jasaıdy. Mundaı oıyn formatynda aýdan ortasyn damytý boıynsha barlyq ıdeıalar synalady, sodan keıin tehnıkalyq tapsyrmalar qajet bolǵan jaǵdaıda túzetilip, jumysqa jiberiledi.
