Jastar jyly bizdiń memleketimizdiń damýyndaǵy úlken ózgeristerdiń bastaýy bolady. Biz bárimiz osy kúndi jańa bastamalar, orasan zor ózgerister bastaýy retinde erekshe sezimmen kúttik. Eldegi jastardy damytý úshin jańa múmkindikter ashylatynyna kámil senemin. Jastar jylynyń basty serpilisi – jastar ekonomıka men áleýmettik damýdyń júrgizýshisi. Memleket jastardyń damýyna jetkilikti qarajat jumsady. Al endi Qazaqstandy jańasha qalyptastyratyn ýaqyt keldi.
Sońǵy onjyldyqta joǵary bilimi bar jastardyń sany tórt esege artty, orta arnaıy bilim eki ese ósti. Joǵary bilimi bar aýyl jastarynyń sany alty ese ósti, al qalalyq turǵyndardyń bilim deńgeıi tórt ese artty. Jalpy, 16-dan 29-ǵa deıingi jas qazaqstandyqtardyń 40%-y joǵary, tolyq emes jáne orta arnaıy bilimi bar. Sapaly bilim jastardyń negizgi «Áleýmettik lıfti» aınaldy. Myńdaǵan jas halyqaralyq deńgeıde orta jáne joǵary bilim alýǵa qol jetkizdi.
Memleket basshysynyń uzaq merzimdi saıasatynyń arqasynda árbir qazaqstandyq «Bolashaq» baǵdarlamasy boıynsha álemniń úzdik ýnıversıtetterinde bilim alý múmkindigine ıe boldy. Baǵdarlama túlekteri óz bilimderin sátti qoldanyp, elimizdiń damýyna jańa ıdeıalar engizdi. Ashylý saltanatynda Memleket Basshysy jas ǵalymdarǵa jyl saıyn úsh mıllıard teńge granttyq qarjylandyrýdy ulǵaıtý qajettigin atap ótti. Sonymen qatar, Úkimetke elimizdiń iri bıznes kompanııalarymen birlesip, jastar startaptaryn qoldaý úshin arnaıy qor qurýdy tapsyrdy.
Elbasymyzdyń jastarǵa aıtylǵan sózderi – el damýynyń aıqyn túsindirilýine arnalǵan taǵy bir habarlama. Is-shara sońynda árbir jas qazaqstandyq elimizdiń ıgiligine qyzmet etýge nıet etip, elimizdiń órkendeýine barlyq múmkindikti jasaýǵa umtylady dep oılaımyn.
Memleket basshysy atap ótken baǵyttar boıynsha úlken jobalar josparlap otyrmyz. «Mansap ortalaǵy», jas mamandardy eńbekpen qamtý jáne mansaptyq qoldaý kórsetetin jobany ary qaraı iske asyrýdy jalǵastyra beremiz. Bos jumys oryn izdeýge arnalǵan Hr.bolashak.kz tegin saıty jumysyn jalǵastyrady. «Nur Otan» partııasynyń «Jas Otan» jastar qanatymen birlese otyryp, «Bolashaq» qaýymdastyǵynyń «English for Jastar» jobasy, onda ótken jyl qorytyndysy boıynsha shamamen 5 500 aýyldyq bala aǵylshyn tilin úırendi. «Bolashaq Education» baǵyty boıynsha birqatar is-sharalar men jobalar júzege asyrylady. Olardyń qatarynda Astana, Almaty qalalary men basqa da aımaqtarda ótetin «Bizdiń bilimimiz – bizdiń elimizge» jobasynyń aıasyndaǵy oqý leksııalary bar. 2019 jyldyń 12 qańtarynda «Bolashaq» qaýymdastyǵy Jastardyń Jylyn ashý qarsańynda Qazaqstannyń jetekshi kásipkerleriniń qatysýymen «Bolashaq Business Forum» forýmyn ótkizdi.
