Maqsat – óńirdegi ádebıet jáne óner salasynda tanylyp júrgen jastardyń shyǵarmashylyǵymen tanystyrý.
Alǵashqy ashylymda mýzeı qoryna jastar 100-den astam zattaryn ótkizilgen
Ádebı rýhanı zaldyń ashylýyna elimizdegi «Asyl arna» telearnasynyń basshysy,aıtysker aqyn Muhamedjan Tazabekov qatysty.
Jergilikti jastardyń qatarynda respýblıkalyq, oblystyq aqyndar aıtysynyń júldegerleri Qýanyshbek Sharmanov, Beıbit Bójenniń, respýblıkalyq, oblystyq jyr músháıralarynyń jeńimpazy, aqyn Jarqynbek Amantaıuly, «Altyn dombyra» ıegeri, halyqaralyq, respýblıkalyq aqyndar aıtystarynyń jeńimpazy Aspanbek Shuǵataev, aqyn, jýrnalıst Aıbek Oralhan bar.
Sonymen birge, «Jastar zalynan» satıra, ázil-syqaq jazýshy Alpysbaı Honj, «Jas qanat-2017» respýblıkalyq baıqaýynyń jeńimpazy, estrada ánshisi Madııar Bahtııarov, respýblıkalyq músháıralardyń jeńimpazy Elaman Hasen, akter Bolat Qobylandy jáne aqyn Ilıa Argentýmǵa da oryn berilgen.
Mýzeı basshysy Jeńis Moldabekovtiń aıýtynsha, bul mýzeıdiń bıylǵy «Jastar jylyna» tartýy, bul joba aldaǵy ýaqytta da óz jalǵasyn tabady.
Iаǵnı, «Jastar zalyndaǵy» shyǵarmashyl jastardyń ekspozısııalary 1 jyldyń ishinde 3 ret aýysady. Jyl boıy 30-40-qa jýyq ádebıet,óner salasynda tanylyp júrgen basqa da jastardyń jeke zattary, ómirbaıany, shyǵarmashylyq jetistikteri kórmeden oryn alady.
Bul úshin mýzeıde arnaıy keńes qurylǵan. Ekspozısııasy qoıylatyn zattar keńes músheleriniń aqyldasýymen tańdalady. Alǵashqy ekspozısııaǵa jastardyń paıdalanǵan zattary, kitaptarynyń bir nusqasy, kóne qoıyn dápterleri, qoljazbalary, dıplomdary, estelik sýretteri usynyldy.
Farıda BYQAI,
«Egemen Qazaqstan»
PAVLODAR
