Astanada Memleket basshysynyń qatysýymen ár aımaqtan jınalǵan belsendi jastardyń basy qosylyp, jastar jylynyń ashylý saltanaty ótti.
Jastar jylynda áli kúnge deıin masyldyq pıǵylymen «ne bolady?, ne beredi?» degen jastar kóp. Bul durys emes. Osy ýaqytqa deıin jastarǵa barlyq jaǵdaı jasalynyp keldi. Áli de jasalyna beredi. Paıdalana bilgen jasqa elimizde barlyq múmkindik bar.
Elbasy jastarǵa jalǵyzbasty, naýqas jandarǵa qaıyrymdylyq tanytý qajet ekenin aıtyp ótti. Búginde eriktilerdiń jetekshisi retinde birshama qaıyrymdylyq sharalaryn atqaryp kelemiz. Jáne budan keıin de Syr jastaryn jaqsylyq, qaıyrly is jasaýǵa shaqyramyz. Sondaı-aq Elbasy qaıyrymdylyqpen aınalysatyn eriktilerdiń shákirtaqysy 30 paıyzǵa kóbeıetinin de basa aıtty. Bul jastarǵa úlken qoldaý dep bilemin.
Bizge, jastarǵa, artar senim de, jaýapkershilik te úlken. Sondyqtan Elbasynyń sózimen aıtsaq, biz, jastar, Otanymyzda júzege asyrylyp jatqan barlyq úderisterge atsalysýymyz qajet.
Saǵatbek SIIýOV,
«Jyly júrek jastar» eriktiler tobynyń jetekshisi
Qyzylorda oblysy
