Úlestik qurylysqa qatysýshylardyń máseleleri boıynsha qala ákiminiń birinshi orynbasary Sergeı Horoshýn aıtyp berdi. «О́tken aptada biz «Azbýka jılıa» nysandaryna qatysty jaǵdaı boıynsha tolyq málimet bergen bolatynbyz. Aldaǵy eki aptada biz «Aısanam de lıýks» jáne «Sadovye kvartaly» turǵyn úı keshenderi boıynsha saraptama qorytyndysyn alamyz dep josparlap otyrmyz.
Sonymen qatar, osy nysandarǵa qatysty qarjylyq modeldi bekitý jáne konkýrsty jarııalaý materıaldary daıyndalýda. Problemaly «Komsomolskıı» nysanyna qatysty saraptamanyń qorytyndysyn alý aqpan aıynyń ortasyna josparlanǵan. Aldaǵy aptada «ISK ASI Kotlıarova S. V» kompanııasynyń nysandaryna qatysty jumystar júrgiziletin bolady. Basqa nysandar boıynsha jumystar josparǵa saı júrgizilip jatyr», – dedi S. Horoshýn. Densaýlyq saqtaý salasyndaǵy, sondaı-aq, elordada uıymdastyrylǵan muz qalashyqtary men muz aıdyndaryndaǵy qazirgi jaǵdaı týraly elorda ákiminiń orynbasary Ermek Amanshaev baıandap berdi. «Medısınalyq uıymdar Biryńǵaı dıstrıbıýtormen 2019 jylǵa dárilik zattardy jetkizýge oferta sharttar jasady, preparattardy jetkizý bastalyp ketti. Jyl basynda pasıentter dárilik zattarsyz qalmaýy úshin 2018 jyldyń jeltoqsanynda barlyq pasıentterge 3 aıǵa jetetin preparattar berildi», – dedi E. Amanshaev. Onyń aıtýyna qaraǵanda, 26 qańtardaǵy jaǵdaıǵa sáıkes densaýlyq saqtaý máseleleri boıynsha rezonanstyq jaǵdaılar bolǵan joq. Esepti aptada IKomek «Qalalyq monıtorıng jáne jedel áreket etý ortalyǵyna» 101 shaǵym túsken. «Barlyq túsken shaǵymdar qaralýda, olardyń árqaısysy boıynsha sharalar qabyldanady. Kelip túsken shaǵymdardyń basym bóligi birden sheshiledi», – dedi Amanshaev. Sonymen qatar, onyń aıtýynsha, 2018 jyldyń 18 jeltoqsany men 2019 jyldyń 27 qańtary aralyǵynda mádenıet jáne sport mekemelerinde, sondaı-aq, ashyq alańdarda 165 mádenı jáne sporttyq is-shara ótkizildi. Qala bıýdjetiniń oryndalýy barysy, qabyldanǵan obektilerdi qalanyń kommýnaldyq menshigine alý, sondaı-aq memlekettik satyp alý josparynyń oryndalýy týraly qala ákiminiń orynbasary Asqar Ámrın baıandady. Áleýmettik mańyzy bar azyq-túlik taýarlarynyń baǵalary týraly qala ákiminiń orynbasary Malıka Bekturova baıandady. Onyń aıtýynsha, Astanada azyq-túliktiń negizgi túrleriniń baǵasy turaqty. Keńes barysynda qala ákimi Astana qalasynyń Qalalyq orta sapasy jáne baqylaý basqarmasyna aýdan ákimdikterimen birigip kóp páterli turǵyn úıler qasbetteriniń jaı-kúıine taldaý júrgizýdi tapsyrdy. Qalalyq orta sapasy jáne baqylaý basqarmasynyń basshysy Tólegen Qulyshevtyń aıtýynsha, 2018 jyly basqarma 486 qyzmet kórsetý uıymynda tekseris jumystaryn júrgizgen.
«2018 jyldyń qorytyndysy boıynsha basqarma men Astana ákimdiginiń monıtorıng jáne jedel áreket etý ortalyǵyna kelip túsken ótinishterdiń sany 80% tómendedi», – dedi T.Qulushev. Moldaǵulova k-si, 27 a úı qasbetin jóndeý jumystary júrgizildi. Abaı kóshesi, 8 ("Stolıchnyı" TK), Seıfýllın k-si, 4 ( "Jastar-2" TK), Jubanov k-si, 10, Kereı men Jánibek handar kóshesi, 9 (№4 qalalyq), Baıtursynov k-si, 19, Táshenov kóshesi, 17/1 ornalasqan turǵyn úılerge qasbetke qatysty problemaly máseleleri bar ýchaskelerdi joıýǵa kómek kórsetildi. Sembınov kóshesi, 9 meken-jaıy boıynsha ornalasqan úıde («Han Tengrı») qabyrǵanyń syrtqy qabaty qalyńdatyldy.
Osy rette Baqyt Sultanov qalalyq orta sapasy jáne baqylaý basqarmasyna aýdandyq ákimdiktermen birlesip, jumysty qysqa merzimde aıaqtaýdy tapsyrdy. Qaladaǵy krımınogendi jaǵdaı jáne quqyqtyq tártipti qamtamasyz etý boıynsha qolǵa alynǵan n sharalar boıynsha esepti polısııa departamentiniń bastyǵy Marat Qojaev berdi. Onyń aıtýynsha qaladaǵy jaǵdaı turaqty. О́tken aptada 479 qylmys tirkelgen,. Bul aldyńǵy aptamen salystyrǵanda 41 qylmysqa az. Aýyr dene jaraqat alý men avtokólikti urlaý oqıǵalary tirkelgen joq, buzaqylyq kórsetý oqıǵalarynyń ósimine jol berilmeı, tonaý sany azaıyp otyr. «Sergek» kesheni arqyly bir apta ishinde 8 628 (56,6 mln. teńgege ) quqyq buzýshylyq tirkelip, óńdeldi. Beıne-baqylaý kameralarynyń kómegimen 12 qylmys, 805 ákimshilik quqyq buzýshylyq anyqtalyp, 62 qylmys «izi sýymaı» ashyldy. Tústi metalldar qabyldanatyn oryndardy tekserý jumystary jalǵasýda. 51 pýnkt tekserilip, (Baıqońyr-17, Sary arqa-18, Esil-16), metall jınaýmen jáne metall qabyldaýmen aınalysatyn 25 tulǵa ákimshilik jaýapqa tartyldy. Lıýkterdi urlaý oqıǵalary tirkelgen joq. Qalany aldaǵy gazdandyrý barysy týraly Otyn-energetıkalyq kesheni jáne kommýnaldyq sharýashylyq basqarmasy basshysy E. Tóleýov baıandady. I kezektiń júzege asyrylý merzimi 2019 jyldan 2023 jylǵa deıingi aralyqta qarjylandyrý bólinýiniń shamasyna baılanysty josparlanyp otyr. 2025 jylǵa deıingi densaýlyq saqtaý ınfraqurylymyn damytýdyń biryńǵaı perspektıvalyq josparyn iske asyrý barysy týraly qoǵamdyq densaýlyq saqtaý basqarma basshysy Qamaljan Nadyrov aıtty. Josparda 9 aýrýhanalyq uıymdardy biriktirý jolymen tórt kóp beıindi qalalyq aýrýhana jáne medısınalyq psıhologııalyq densaýlyq ortalyǵyn qurý qarastyrylǵan. Budan bólek, emhanalardyń 20 mınýttyq aralyqta ornalasýyn jáne jalpy qaraıtyn dárigerge túsetin júktemeni azaıtý maqsatynda emhanalar jelisin qurý tujyrymdamasy ázirilgen. Onda qymbat emhanalardyń ornyna shaǵyn dárigerlik ambýlatorııalardy ashý qarastyrylǵan. Bul joba «Qoljetimdi dáriger» ataýyna ıe boldy.
«Osyǵan baılanysty, atalǵan jobanyń áleýmettik mańyzdylyǵyn eskere otyryp, Biryńǵaı perspektıvalyq josparda kózdelip josparlanǵan 11 emhana qurylysynyń ornyna 51 dárigerlik ambýlatorııa ashý boıynsha ózgerister usynamyn», – dep atap ótti Nadyrov. «Sıfrlyq Qazaqstan» memlekettik baǵdarlamasyn júzege asyrý barysy týraly Investısııalar jáne kásipkerlikti damytý basqarmasynyń basshysy Álisher Ábdiqadyrov esep berdi. Onyń aıtýynsha, ótken jyldyń qorytyndylaryna sáıkes elordanyń aqparattyq-kommýnıkasııalyq tehnologııalar (AKT) sektoryna quıylǵan ınvestısııa kólemi aldyńǵy jylmen salystyrǵanda 55% artyp, 17,5 mlrd teńgeni qurady. Jumyspen qamtylǵandardyń sany 20% ósip, 20 myń adamdy quraýda. «Sergek» jobasy iske asyryldy. Eldegi eń qaýipsiz joldar Astanada. Elordalyq júrgizýshiler tártipti saqtaýdy úırendi. Bul joldaǵy apattylyqqa oń áserin tıgizdi. 2017 jylmen salystyrǵanda, bul joba jol-kólik oqıǵasy saldarynan bolatyn ólim-jitimdi eki esege tómedetýge, olardyń sanyn jalpy sanyn 20% - ǵa azaıtýǵa múmkindik berdi», – dedi Á Ábdiqadyrov.
Odan bólek, densaýlyq saqtaý boıynsha barlyq medısınalyq uıymdarda ınternet jelisine 100% qosylǵan. Barlyq Astanalyq mektepter ınternetke keń jolaqty qoljetimdilikpen qamtamasyz etilgen. Balabaqshaǵa kezekke qoıý jáne olarǵa joldama berý, 1 synypqa qabyldaý, kolledjderge qabyldaý avtomattandyryldy. Sonymen qatar, osy jyly kelesi bastamalardy iske asyrý josparlanýda: mektepterdi qajetti kompıýterlik jabdyqtarmen tolyq jabdyqtaý, barlyq mektepke Wi-Fi ótkizý, STEM zerthanalaryn ornatýdy jalǵastyrý. Turǵyn úılerde derekterdi qashyqtyqtan berý arqyly esepteý quraldaryn ornatý jalǵasýda. Bıyl biz memlekettik-jekeshelik áriptestik aıasynda «Internet zattar» tehnologııasyn qoldana otyryp, 31 myń shamdy aýystyrýǵa qatysty úlken jobany bastaımyz. Bul joba shyǵyndardy 60%-ǵa deıin únemdeýge, múmkindik beredi. Otyrys qorytyndysy boıynsha qala ákimi tıisti qurylymdarǵa naqty tapsyrmalar berdi. Ákimdiktiń barlyq otyrystaryn endi apta saıyn elorda ákimdiginiń resmı saıtynda kórýge bolatynyn eske salaıyq. Astana ákimdigi otyrysynyń tolyq nusqasyn tómendegi beınematerıaldan kórýge bolady.
