Foto: 24.kz
Qazaqstan tarapy BUU Qaýipsizdik Keńesiniń birqatar sanksııalyq komıtetterine tóraǵalyq etti. Eki jyl ishindegi yntymaqtastyq jemisti nátıjelerge qol jetkizdi. Halyqaralyq sarapshylar mundaı seriktestik týraly joǵary pikir bildirýde. BUU Qaýipsizdik keńesi Komıtetteriniń «IGIL», «Al-Kaıd» jáne «Talıban» qozǵalysyna qarsy sanksııalar boıynsha monıtorıng tobynyń úılestirýshisi Edmýnd Fıtton-Braýn Qazaqstannyń Taıaý Shyǵys jáne Aýǵan baǵyttaryndaǵy mańyzdy rólin atap ótti.
«Bizde Qazaqstanmen jaqsy áriptestik ornady. Eń áýeli, yntymaqtastyq kontrterrorızm jelisi boıynsha júrdi. Al ekinshiden, qarym-qatynas Aýǵanstandaǵy jaǵdaıdy jaqsartýǵa baǵyttaldy. Qazaqstannyń osy salalarda úlken tájirıbe jınaqtaǵanyn atap ótkimiz keledi. Qazaqstan Aýǵanstandaǵy turaqtandyrý máselesinde mańyzdy ról atqarady. BUU Qaýipsizdik Keńesi Hatshylyǵynyń qazaqstandyq tarappen eki jyl birige jumys jasaýy tabysty boldy degim keledi», - dedi Edmýnd Fıtton-Braýn.
