Bıyl Aqtóbe oblysynyń ortalyǵy Aqtóbe qalasynyń irge qalaǵanyna 150 jyl tolady. Mereıtoıdyń alǵashqy sharasy osylaı bastaldy. Oblystyq óner ujymynyń «Qutty meken Aqtóbem» atty konsertine QR eńbek sińirgen qaıratkeri M.Áıtimov, mádenıet salasynyń úzdikteri Oral-Qosaı Baıseńgir, J.Nurqasymova, belgili ánshiler G.Saǵynǵanova, A.Májikbaev, D.Aıtjanov, A.Maqashev, M.Saparova, A.Tólesinov, J.Bekbosynov, M.Esetov, G.Bóribasova, A.Estileýova, E.Qumarov, N.Omarov, S.Begiman, A.Ýrazova, Á.Shákirov, E.Aldanazarov, B.Balmaǵambetova, E.Dúıseev, «Tamsan» toby, О́.Elekov, Shyntas-Aınagúl Omarovtar jáne VIA «Jasyn» (Muǵaljar aýdany), «QOS-NUR» dýeti qatysty.
«Aqtóbe qalasynyń megapolıs shaharǵa aınalýyna barlyq múmkindigimiz bar. Sońǵy jyldary Aqtóbeniń sáýlettik kelbeti adam tanymastaı ózgerip, ekonomıkasynyń órkendegenine bárimiz kýámiz. Oǵan árqaısymyzdyń eńbegimiz sińdi, árqaısyńyz úles qostyńyzdar. Búgingi konserttiń de erekshe jaǵdaıda ótkenin qýanyshpen tamashaladyq. Kórkemónerpazdarymyzdyń úsh saǵattyq sharada «Aqtóbe» sózin 450 márte aıtqany da rekord, ony sizderdiń tyńdaǵandaryńyz da rekord», dedi qala ákimi Ilııas Ispanov ánsúıer aqtóbelikterge aıtqan sózinde.
Aıta keteıik, án keshinde aq jaýlyqty ájeler shashý shashsa, «Biz birgemiz!» jáne «150 ıgi is» aksııasy aıasynda «Qaraket» qorynyń qoldaýymen 1-toptaǵy múgedek Manas Qulmaǵanbetov úsh bólmeli páter kiltine ıe boldy. Sonymen qatar Aqtóbege arnalǵan ánderdiń avtorlary men oryndaýshylaryna qala ákiminiń Alǵys haty tapsyryldy.
