О́ner • 29 Qańtar, 2019

Dımash: Astanaǵa «Arnaý»

457 ret kórsetildi

Jaǵymdy jańalyqtarmen bastaý alǵan jastar jylynda Dımash Qudaıbergen «Arnaý» atty ekinshi konsertin ótkizbek. Aýqymdy mýzykalyq shoý qazaqstandyqtar men ózge de ónersúıer qaýymdy Astana tórine jınaıtyn bolady.

«Jazǵa salym Dımashtyń konserti ótedi eken» degen uzynqulaqtan súıinshi habardy estigen jankúıerlerden konserttiń ótý barysy týraly myńdaǵan saýal tolassyz túsip jatqan kórinedi. Sondyqtan atalǵan konsertke jaýapty uıymdastyrýshy top ázirlik jumystary týraly resmı habar taratýdy jón sanapty. Al «Qazaqstan» RTRK AQ osy konserttiń bastan-aıaq uıymdastyrylýy men túsirilim jumystaryn qolǵa alyp, úlken jaýapkershilikti qadamǵa baryp otyr.

– Bul jolǵy konsertti úlken daıyndyqpen ótkizgimiz keledi. Qazir birneshe shyǵarmashylyq toppen jumys istep, ártúrli usynystardy qabyldap jatyrmyz. Múmkindiginshe, álemdik shoý-konsertterde qoldanylatyn sony tájirıbe men jańa tehnologııalardy paıdalanamyz. Sebebi konsert eń aldymen Dımashtyń óz halqyna, óz tyńdaýshylaryna arnalyp otyr, – dedi «Qazaqstan» RTRK AQ basqarma tóraǵasy Erlan Qarın.

Astana kúni qarsańyna josparlanyp otyrǵan bul konsertte qazaqtyń halyq ánderimen birge, qazaqstandyq jáne shetel kompozıtorlarynyń shyǵarmalary túrli tilde shyrqalady. Odan bólek Dımashtyń óz janynan shyǵarǵan avtorlyq týyndylary da kórermen nazaryna usynylmaq.

– Qazaq yrymshyl halyqpyz ǵoı. Aldaǵy maqsattardy jaıyp salǵandy jón kórmeımiz. Degenmen aıtyp óteıin, kompozıtor Igor Krýtoı ekeýmiz aıtyp júrgen «Lıýbov ýstavshıh lebedeı» atty ánine beınebaıan túsirgeli jatyrmyz. Odan keıin amerıkalyq birneshe kompozıtordan kelgen tamasha ánderge de klıp túsirý josparda bar. Meniń sahnada oryndap júrgen ánderim kompozıtordyń ǵana emes, meniń de júregimnen ótken ánder. Al ol ánderdi birden keziktirý qıynǵa soǵady», – degen ánshi qashanǵy sypaıy ádebine salyp jyly jymııady.

Bul kúnderi «О́neriń órge júzsin» degen qalyń qazaqtyń tilegi osy balanyń ústinde desek artyq aıtqanymyz emes. Halqynyń ústem bolǵan mereıi men meıirin sezgen Dımash ta, sát saıyn jańa bir aqjoltaı qýanyshymen súıindirip keledi. Onyń aldyńǵy jyly «Astana Arenada» ótken «Bastaý» atty alǵashqy konsertine 25 myńnan astam halyq jınalǵan bolatyn. Ánshiniń jaqyn arada jaryq kóretin jańa mýzykalyq albomy, Reseı estradasynyń shamshyraǵy, talantty kompozıtor Igor Krýtoımen birlesip túsirilip jatqan klıpi talantymen tas jarǵan órendi jańa bıikterge shyǵaratyny anyq.

Aıa О́MIRTAI,

«Egemen Qazaqstan»

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar