- Arnaıy taktıkalyq jattyǵýlardyń negizgi maqsattary - dıversııalyq toptardyń shabýyldaý qaýpi jaǵdaıynda áskerı bólim basqarmalardyń tez arada qımyldaýyn jetildirý bolyp tabyldy, -dedi «Shyǵys» áskerı óńirlik qolbasshylyǵy baspasóz qyzmetiniń jetekshisi, aǵa leıtanant Islambek Qaldybekov,-kezekshi áskerı bólim tez arada shabýyldarǵa toıtarys bere otyryp, joıýǵa tyrysýlary qajet. Dıversııaǵa qarsy qaýipsizdikti arttyrý úshin eń aldymen jeke quramnyń joǵarǵy moraldyq-psıhologııalyq jáne jaýyngerlik qasıetterin damytý asa qajettigi nazarǵa alyndy.
Taktıkalyq jattyǵýlar barysynda áskerı bólimder dıversııalyq toptardyń qarý-jaraqtar men oq-dárilerdi tartyp alýyna jol bermeýge tyrysty. Áskerı qarý-jaraǵy bar bólimderdiń aýmaǵyna enýge tyrysatyn shartty qarsylastyń shabýylyna toıtarys berdi. Ol úshin joǵarǵy jaýyngerlik deńgeıde qımyldady.
Aǵa leıtanant Islambek Qaldybekovtyń aıtýynsha, arnaıy taktıkalyq jattyǵýlardyń nátıjesi boıynsha, Semeı óńirlik garnızonynyń áskerı bólimderi dıversııalyq qaýipsizdik máselesinde «qanaǵattanarlyq» degen baǵa aldy. Demek, alda úzdikter qataryna qosylý úshin jattyǵýdy áli de shyńdaı túsý qajet.
Raýshan QABJANQYZY,
«Egemen QAZAQSTAN»
Semeı
